Уладзімір Андрэевіч Бабкоў

Уладзімір Андрэевіч Бабкоў
Дата нараджэння	22 лютага 1939(1939-02-22) (86 гадоў) ці 1939[1]
Месца нараджэння	Салтанаўка, Пірэвіцкі сельсавет, Жлобінскі раён, Гомельская вобласць, БССР, СССР
Грамадзянства	СССР  Беларусь
Род дзейнасці	навуковец
Навуковая сфера	гісторык і палітолаг[d]
Месца працы	Нацыянальная дзяржаўная тэлерадыёкампанія Рэспублікі Беларусь Інстытут гісторыі партыі пры ЦК КПБ Беларускі дзяржаўны эканамічны ўніверсітэт Інстытут эканомікі НАН Беларусі БНТУ Факультэт тэхналогій кіравання і гуманітарызацыі БНТУ
Навуковая ступень	доктар гістарычных навук (1978) і член-карэспандэнт НАН Беларусі (1989)
Навуковае званне	прафесар
Альма-матар	БДУ
Член у	Беларуская асацыяцыя палітычных навук
Узнагароды

Уладзімір Андрэевіч Бабко́ў^[2] (нар. 22 лютага 1939) — гісторык і палітолаг, доктар гістарычных навук (1978), прафесар (1983), член-карэспандэнт НАН Беларусі (1989). Заслужаны дзеяч навукі Рэспублікі Беларусь.

Нарадзіўся ў вёсцы Салтанаўка^[3] (Жлобінскі раён Гомельскай вобласці Беларусі). У 1963 годзе скончыў Беларускі дзяржаўны ўніверсітэт. Працаваў літработнікам, загадчыкам аддзела шэрагу раённых і рэспубліканскіх газет, карэспандэнтам Дзяржаўнага камітэта БССР па радыёвяшчанні і тэлебачанні. У 1969 годзе скончыў аспірантуру пры Беларускім дзяржаўным інстытуце народнай гаспадаркі і абараніў кандыдацкую дысертацыю. У 1969—1990 гадах працаваў у Інстытуце гісторыі партыі пры ЦК КПБ на пасадах старшага навуковага супрацоўніка, загадчыка сектара^[4]. З 1991 года галоўны навуковы супрацоўнік Аддзела навуковай інфармацыі па грамадскіх навуках Акадэміі навук Беларусі. У 1992—2002 гадах працаваў у Беларускім дзяржаўным эканамічным універсітэце на пасадзе загадчыка кафедры і адначасова (з 1993 года^[4]) дырэктар Мінскага навукова-даследчага інстытута сацыяльна-эканамічных і палітычных праблем. З 2007 года галоўны навуковы супрацоўнік, загадчык аддзела Інстытута эканомікі Нацыянальнай акадэміі навук Беларусі. З 2011 года У. А. Бабкоў на пасадзе загадчыка кафедры «Паліталогія, сацыялогія і сацыяльнае кіраванне» факультэта тэхналогій кіравання і гуманітарызацыі Беларускага нацыянальнага тэхнічнага ўніверсітэта^[5], з 2019 — кафедры «Гісторыя беларускай дзяржаўнасці»^[6]. 3 1 снежня 2021 — прафесар кафедры «Сацыяльнае кіраванне» таго ж факультэта.^[7]

Працы па праблемах гісторыі, партыйнага будаўніцтва КПСС і КПБ, паліталогіі і рэгіянальнай палітыкі. Даследаванні ў галіне праблем жыццядзейнасці КПСС і КПБ, гісторыі стварэння і функцыянавання ў сучасным беларускім грамадстве іншых палітычных партый і рухаў. У шэрагу прац даецца аналіз характару палітычных працэсаў у сучасным беларускім грамадстве, разгляд праблем узаемадзеяння ўлады і насельніцтва, стварэння эфектыўнай сістэмы дзяржаўнага будаўніцтва, навуковы аналіз стану і перспектыў развіцця беларуска-расійскіх адносін^[4].

Прэзідэнт Беларускай асацыяцыі палітычных навук з 1993^[8] года.

Аўтар больш за 200 навуковых прац, у тым ліку аўтар і сааўтар 14^[4] манаграфій. Сярод апублікаванага:

• Качественный рост партии и организация партийных сил / В. А. Бобков; Ин-т истории партии при ЦК КПБ − филиал Ин-та марксизма-ленинизма при ЦК КПСС. — Минск: Беларусь, 1977.
• Научный подход в партийной работе. — М., 1985.
• Возрождение духа ленинизма: [монография] / В. А. Бобков. — М.: Политиздат, 1989.
• Палітычныя партыі і грамадска-палітычныя рухі Беларусі. — Мн., 1993.
• Политология: учеб. / [В. А. Бобков и др.]; под ред. В. А. Бобкова, И. Н. Браима. — Минск: Интерпрессервис; УП «Экоперспектива», 2003.
• Стратегические интересы: поиск баланса. // Беларуская думка. − 2009. − № 4. − С. 56—63.

• Бабкоў Уладзімір Андрэевіч // Беларусь: энцыклапедычны даведнік / Рэдкал. Б. І. Сачанка (гал. рэд.) і інш.; Маст. М. В. Драко, А. М. Хількевіч. — Мн.: БелЭн, 1995. — 800 с. — 5 000 экз. — ISBN 985-11-0026-9.
• Бабкоў Уладзімір Андрэевіч // Беларуская энцыклапедыя: У 18 т. Т. 2: Аршыца — Беларусцы / Рэдкал.: Г. П. Пашкоў і інш. — Мн. : БелЭн, 1996. — Т. 2. — С. 182—183. — 10 000 экз. — ISBN 985-11-0035-8. — ISBN 985-11-0061-7 (т. 2).

• Члены-карэспандэнты: БАБКОЎ Уладзімір Андрэевіч // НАН Беларусі
• Бабкоў Уладзімір Андрэевіч, доктар гістарычных навук / Вучоныя Беларусі // Нацыянальная бібліятэка Беларусі
• Никитенко П. Г. Этапы большого пути (К 80-летию Владимира Андреевича БОБКОВА) // Вести БНТУ, № 3 от 4 Марта 2019 (руск.)
• Беларусь в геополитическом измерении (руск.) // Беларуская думка, № 6, 2010. — С. 48.
• Уладзімір Андрэевіч Бабкоў на сайце анлайн-энцыклапедыі «Беларусь у асобах і падзеях»
• Уладзімір Андрэевіч Бабкоў у базе даных «История белорусской науки в лицах» Цэнтральнай навуковай бібліятэкі імя Якуба Коласа НАН Беларусі (руск.)