Уладзімір Георгіевіч Сасноўскі

Уладзімір Сасноўскі
Міністр транспарту і камунікацый Беларусі 27 снежня 2005 — 26 чэрвеня 2009
Прэзідэнт	Аляксандр Лукашэнка
Кіраўнік урада	Сяргей Сідорскі
Папярэднік	Міхаіл Баравы
Пераемнік	Іван Шчэрба
Нараджэнне	1954 Масква, РСФСР, СССР
Адукацыя	БНТУ

Уладзі́мір Георгіевіч Сасноўскі (нар. 1954, г. Масква, РСФСР) — дзяржаўны дзеяч Рэспублікі Беларусь, былы міністр транспарту і камунікацый Рэспублікі Беларусь (2005—2009).

Скончыў Беларускі політэхнічны інстытут у 1976 годзе па спецыяльнасці «Аўтамабілі і аўтамабільнае гаспадарка».

З 1980 па 1982 прайшоў службу ў танкавых войсках Савецкай арміі намеснікам камандзіра роты.

У розныя гады займаў пасады начальніка сектара пасажырскіх перавозак аддзела транспарту Мінскага гарвыканкама, эканамічнага саветніка Беларускага камітэта абароны міру, працаваў на кіруючых пасадах у шэрагу камерцыйных структур.

У 1995—2000 гадах — намеснік начальніка вытворчага ўпраўлення транспарту і сувязі Мінгарвыканкама, затым начальнікам камунальнага ўнітарнага прадпрыемства «Упраўленне транспарту і сувязі Мінгарвыканкама».

З 2003 года — выконваючы абавязкі генеральнага дырэктара, генеральны дырэктар транспартнага камунальнага ўнітарнага прадпрыемства «Мінсктранс».

27 снежня 2005 года прызначаны міністрам транспарту і камунікацый Рэспублікі Беларусь.^[1]

26 чэрвеня 2009 года адпраўлены ў адстаўку^[2].

З 2010 года — старшыня праўлення РГА «Беларускі саюз транспартнікаў».

• Біяграфія на сайце праекта «Хто ёсць хто» Архівавана 14 сакавіка 2014. (руск.)
• інтэрв’ю У. Г. Сасноўскага праекту Сіцідог (руск.)