Іван Іванавіч Шчэрба

Іван Іванавіч Шчэрба
Міністр транспарту і камунікацый Рэспублікі Беларусь 26 чэрвеня 2009 — 31 ліпеня 2012
Прэзідэнт	Аляксандр Лукашэнка
Кіраўнік урада	Сяргей Сідорскі
Папярэднік	Уладзімір Сасноўскі
Пераемнік	Анатоль Сівак
Нараджэнне	30 лістапада 1956(1956-11-30) (68 гадоў) Паднеўка, Мётчанскі сельсавет, Барысаўскі раён, Мінская вобласць, Беларуская ССР, СССР
Адукацыя	Беларускі дзяржаўны інстытут народнай гаспадаркі імя В. У. Куйбышава (1980)
Узнагароды	Ганаровая грамата Савета Міністраў Рэспублікі Беларусь (2011)

Іва́н Іва́навіч Шчэ́рба (нар. 30 лістапада 1956(1956-11-30), Паднеўка, Мінская вобласць) — беларускі дзяржаўны дзеяч, Міністр транспарту і камунікацый Рэспублікі Беларусь (2009—2012).

Нарадзіўся 30 лістапада 1956 года ў вёсцы Паднеўка Барысаўскага раёна Мінскай вобласці Беларусі.

З 1974 года — працаўнік саўгаса, пазней служыў ў войску.

У 1980 годзе скончыў Беларускі дзяржаўны інстытут народнай гаспадаркі па спецыяльнасці «Таваразнаўства і арганізацыя гандлю харчовымі таварамі».

У 1980—1985 працаваў на прадпрыемствах Міністэрства гандлю БССР, у 1985—1993 гадах — на прадпрыемствах Беларускай чыгункі.

У 1993—2005 гадах — намеснік начальніка ўпраўлення знешнеэканамічных сувязяў, начальнік упраўлення транспартнай палітыкі, начальнік аддзела транспартнай палітыкі, начальнік упраўлення дарожна-транспартнай палітыкі, начальнік аддзела транспартнай палітыкі Міністэрства транспарту і камунікацый Рэспублікі Беларусь.

У 2002 годзе скончыў Акадэмію кіравання пры прэзідэнце Рэспублікі Беларусь па спецыяльнасці «Дзяржаўнае кіраўніцтва».

У 2005—2006 гадах — начальнік упраўлення транспарту і сувязі Апарату Савету Міністраў Рэспублікі Беларусь.

З 30 снежня 2006 года — працаваў намеснікам Міністра транспарту і камунікацый Рэспублікі Беларусь.

З 26 чэрвеня 2009 года па 31 ліпеня 2012 года^[1] — Міністр транспарту і камунікацый Рэспублікі Беларусь.

• Ганаровая грамата Савета Міністраў Рэспублікі Беларусь (2011)^[2].

• Профіль на праекце «Хто ёсць хто ў РБ»(недаступная спасылка) (руск.)