Уладзіслаў Русланавіч Мікульскі
Уладзіслаў Русланавіч Мікульскі (нар. 11 красавіка 1998, Мінск, Беларусь) — беларускі баскетбаліст. Атакуючы абаронца. Выступаў за нацыянальную зборную Беларусі. БіяграфіяВыхаванец СДзЮШАР БК «Мінск-2006». Першы трэнер — Фёдар Мікалаевіч Радэнка[2]. Выступаў за юнацкі склад сталічных «драконаў», акрамя таго, гуляў за мінскі «Імпульс-БДУІР», а таксама за фарм-каманду латвійскага «Вэнтспілса». У ліпені 2019 года перайшоў у расійскі клуб «Спартак-Прымор’е»[3]. У 2020—2022 гадах быў у складзе магілёўскага «Барысфена», дзе тройчы стаў сярэбраным прызёрам нацыянальнага першынства і быў прызнаны лепшым маладым гульцом чэмпіянату Беларусі-2019/20[4] і Кубка Беларусі-2020[5], лепшым абаронцам Кубка Беларусі-2021[6] і лепшым форвардам чэмпіянату Беларусі-2021/22[7]. У ліпені 2022 года вярнуўся ў БК «Мінск». Прызнаны лепшым гульцом чэмпіянату Беларусі-2023/24[8]. У снежні 2024 года перайшоў у «Гродна-93». Прызнаны лепшым абаронцам чэмпіянату Беларусі-2024/25[9]. Выступаў за юніёрскую (2015—2016), моладзевую (2017—2018) і нацыянальную (з 2020)[10] зборную Беларусі. Кар’ера
Дасягненні
Зноскі
Спасылкі |
Portal di Ensiklopedia Dunia