Хуан Мадэста

Хуан Мадэста
ісп.: Juan Guilloto León
Дата нараджэння	24 верасня 1906(1906-09-24)[1]
Месца нараджэння	Эль-Пуэрта-дэ-Санта-Марыя, Bay of Cádiz[d], правінцыя Кадыс, Андалусія, Іспанія
Дата смерці	16 красавіка 1969(1969-04-16) (62 гады)
Месца смерці	Прага, Чэшская Сацыялістычная Рэспубліка[d], Чэхаславакія
Грамадзянства	Іспанія
Прыналежнасць	Рэспубліканская фракцыя (Іспанія)
Род войскаў	Сухапутныя войскі Іспаніі[d]
Званне	брыгадны генерал
Бітвы/войны	грамадзянская вайна ў Іспаніі
Узнагароды і званні
Медыяфайлы на Вікісховішчы

Хуан Гільёта Леон, больш вядомы як Хуан Мадэста (ісп.: Juan «Modesto» Guilloto León; 24 верасня 1906 – 16 красавіка 1969) — брыгадны генерал Народнай арміі Іспанскай Рэспублікі, удзельнік грамадзянскай вайны ў Іспаніі і Другой сусветнай вайны.

Нарадзіўся ў г. Эль-Пуэрта-дэ-Санта-Марыя ў Кадысе. Першапачаткова працаваў на лесапільні, потым трапіў у армію. Служыў у Марока ў складзе часцей рэгуларэс^[2].

У 1930 годзе ўступіў у Камуністычную партыю. У 1933 годзе стаў кіраўніком антыфашысцкай міліцыі ў Мадрыдзе^[3]. Накіраваны партыяй у Савецкі Саюз для праходжання ваеннай падрыхтоўкі ў Ваеннай акадэміі імя Фрунзэ. Там жа вывучыў рускую мову^[4].

У пачатковы перыяд грамадзянскай вайны заняў бок рэспубліканцаў. Удзельнічаў у штурме Мантаньі і баях пад Гвадарамай. З кастрычніка 1936 года камандаваў Пятым палком. Змагаўся пад Талаверай, пад Мадрыдам, на Карунскай дарозе^[5] і на Хараме^[6].

У 1937 годзе стаў камандуючым 5-м армейскім корпусам, кіруючы рэспубліканскімі войскамі пры Бельчытэ, у Брунэцкай і Тэруэльскай аперацыях^[7]. Са жніўня 1938 года^[8] камандаваў арміяй Эбра^[9].

У сакавіку 1939 года прызначаны на пасаду камандуючага Цэнтральнай арміяй^[10].

Пасля перавароту Касада пакінуў Іспанію^[11]. Жыў у Савецкім Саюзе. Падчас Другой сусветнай вайны служыў у Чырвонай Арміі і балгарскіх камуністычных войсках.

У наступныя гады жыў у Празе.

• Beevor, Antony. The battle for Spain. The Spanish civil war, 1936-1939. Penguin Books. 2006. London. ISBN 978-0-14-303765-1ISBN.
• Jackson, Gabriel. The Spanish Republic and the Civil War, 1931-1939. Princeton University Press. 1967. Princeton. ISBN 978-0-691-00757-1ISBN
• Preston, Paul. The Spanish Civil War. Reaction, revolution & revenge. Harper Perennial. 2006. London. ISBN 978-0-00-723207-9ISBN ISBN 0-00-723207-1
• Thomas, Hugh. The Spanish Civil War. Penguin Books. 2001. London. ISBN 978-0-14-101161-5