Царква ў імя святога прападобнага Сергія Раданежскага (Лескавічы)

Праваслаўная царква
Царква ў імя святога прападобнага Сергія Раданежскага
55°18′01″ пн. ш. 29°37′05″ у. д.HGЯO
Краіна	Беларусь
Вёска	Лескавічы
Канфесія	Руская праваслаўная царква
Епархія	Віцебская і Аршанская епархія
Архітэктурны стыль	псеўдарускі стыль
Статус	Гісторыка-культурная каштоўнасць Беларусі, шыфр 213Г000934шыфр 213Г000934
Глобус Беларусі	globustut.by/leskovichi/…
Медыяфайлы на Вікісховішчы

Царква ў імя святога прападобнага Сергія Раданежскага — праваслаўная царква пабудавана ў в. Лескавічы (Шумілінскі раён, Віцебская вобласць) на мяжы 19—20 ст. з цэглы і бутавага каменю.

2 жніўня 2016 года Пастановай Савета Міністраў Рэспублікі Беларусь царкве нададзены статус гісторыка-культурнай каштоўнасці Беларусі рэгіянальнага значэння^[1].

Помнік архітэктуры рэтраспектыўна-рускага стылю. Мае трохчасткавую аб’ёмна-прасторавую кампазіцыю: двух’ярусная чацверыковая званіца-прытвор, кубападобны аб’ём малітоўнай залы, трохгранная апсіда з бакавымі рызніцамі. Рознавялікія аб’ёмы са шматграннымі бляшанымі пакрыццямі ствараюць ярусную прасторава развітую кампазіцыю. Пакаты чатырохсхільны дах асноўнага аб’ёму раней завяршаўся маляўнічым 5-купаллем, зараз — крыжам, над шатровым дахам званіцы — макаўка. Фасады дэкарыраваны аркатурнымі фрызамі, вуглавымі калонкамі і лапаткамі, нішамі, плоскімі ліштвамі арачных аконных праёмаў, выкладзенымі чырвонай цэглай на маляўнічым паліхромным фоне бутавай муроўкі сцен. Уваход вырашаны магутным арачным парталам з двухсхільным шчытом на 2 калонах. Унутры царква атынкавана; меліся двух’ярусны іканастас, 3 галандскія печы.

• Свята-Сергіеўская царква в. Лескавічы // Праваслаўныя храмы на Беларусі: Энцыклапедычны даведнік. — Мн., 2001
• Сергіеўская царква // Збор помнікаў гісторыі і культуры Беларусі. Віцебская вобласць / рэдкал.: С. В. Марцэлеў [і інш.]. — Мн., 1985. — С. 469.
• Царква ў імя прападобнага Сергія Раданежскага // Кулагін, А. М. Праваслаўныя храмы Беларусі : энцыклапедычны даведнік / А. М. Кулагін. — Мн., 2007. — С. 225.

Аб’ект Дзяржаўнага спіса гісторыка-культурных каштоўнасцей Рэспублікі Беларусь, шыфр 213Г000934

• На Вікісховішчы ёсць медыяфайлы па тэме Царква ў імя святога прападобнага Сергія Раданежскага (Лескавічы)
• Царква ў імя святога прападобнага Сергія Раданежскага (Лескавічы) на сайце Глобус Беларусі (руск.)
• Царква ў імя святога прападобнага Сергія Раданежскага (Лескавічы) на сайце «Архіварта»