Чарневіцкі сельсавет

Чарневіцкі сельсавет
Краіна	Беларусь
Статус	Сельсавет
Уваходзіць у	Барысаўскі раён
Уключае	12 населеных пунктаў
Адміністрацыйны цэнтр	Чарневічы
Дата ўтварэння	20 жніўня 1924
Дата скасавання	30 кастрычніка 2009
Насельніцтва (2009)	673
Часавы пояс	UTC+03:00
Код аўтам. нумароў	5

Чарне́віцкі сельсавет — былая адміністрацыйна-тэрытарыяльная адзінка ў складзе Барысаўскага раёна Мінскай вобласці. Цэнтр — вёска Чарневічы.

Утвораны 20 жніўня 1924 года ў складзе Барысаўскага раёна Барысаўскай акругі БССР. Некаторы час цэнтр сельсавета размяшчаўся ў маёнтку Шабынькі, а пасля быў перанесены ў вёску Чарневічы. З 9 чэрвеня 1927 года ў складзе Менскай акругі. Пасля скасавання акруговай сістэмы 26 ліпеня 1930 года ў Барысаўскім раёне БССР. З 20 лютага 1938 года ў складзе Мінскай вобласці. У 1964 годзе ў склад сельсавета з Забашавіцкага сельсавета перададзены 4 населеныя пункты (Беліна, Малышкі, Палялюм і Сяменькавічы)^[1]. 30 кастрычніка 2009 года скасаваны, тэрыторыя далучана да Глівінскага сельсавета^[2].

Насельніцтва сельсавета паводле перапісу 2009 года складала 673 чалавекі^[3], з іх 97,5 % — беларусы, 2,2 % — рускія, 0,3 % — украінцы^[4].

На момант скасавання ў склад сельсавета ўваходзілі 12 населеных пунктаў: вёскі Беліна, Восава, Малышкі, Ніўкі, Пабярэжжа, Палялюм, Пескі, Сыч, Сяменькавічы, Цешкаўка, Чарневічы і Шабынькі.

• Административно-территориальное устройство БССР: справочник: в 2 т. / Главное архивное управление при Совете Министров БССР, Институт философии и права Академии наук БССР. — Минск: «Беларусь», 1985―1987.
• Административно-территориальное устройство Республики Беларусь (1981—2010 гг.): справочник. — Минск: БелНИИДАД, 2012.

• Чарневіцкі сельсавет у картатэцы Фондавага каталога дзяржаўных архіваў Рэспублікі Беларусь