Эсек’ель Лавесі

Эсек’ель Лавесі
Эсек’ель Лавесі
Агульная інфармацыя
Поўнае імя	Эсек’ель Іван Лавесі
Мянушка	El Pocho, El Loco (Шалёны); Il fulmine (Маланка), Scooby-doo
Нарадзіўся	3 мая 1985[…] (40 гадоў); Вілья-Габернадор-Гальвес[d], дэпартамент Расарыа[d], правінцыя Санта-Фэ, Аргенціна;
Грамадзянства	Аргенціна ; Італія
Рост	173 см
Вага	75 кг
Пазіцыя	нападнік, атакуючы/крайні паўабаронца
Маладзёжныя клубы
1995—2003	Бока Хуніярс
Клубная кар’ера
Нацыянальная зборная
Узнагароды і медалі
	Алімпійскія гульні
	Чэмпіянаты свету
Срэбра	Бразілія 2014
	Кубкі Амерыкі
Срэбра	Чылі 2015
Срэбра	ЗША 2016
	↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 4 студзеня 2020. ; ↑ Колькасць гульняў і галоў за нацыянальную зборную ў афіцыйных матчах, адкарэктавана станам на 17 лютага 2016 ;
	Медыяфайлы на Вікісховішчы

Эсек’е́ль Іва́н Лаве́сі (ісп.: Ezequiel Iván Lavezzi; нар. 3 мая 1985, Вілья-Габернадор-Гальвес, Аргенціна) — аргенцінскі футбаліст, нападнік. Ігрок нацыянальнай зборнай Аргенціны (2007—2016). Пасля з’яўлення на Апенінах шматлікія СМІ адразу ж далі яму мянушку «новы Марадона»^[3].

Кар’ера

Клубная

У 2003 годзе ва ўзросце 17 гадоў Лавесі перайшоў з каманды «Бока Хуніярс» у склад сталічнага «Эстудыянтэса», дзе за адзін сезон забіў 17 галоў у 39 матчах. У 2004 годзе за мільён еўра Лавесі набыў італьянскі клуб «Джэноа» і ён адразу ж быў аддадзены ў арэнду аргенцінскаму клубу «Сан-Ларэнса».

Пасля сезона ў Аргенціне ён вярнуўся ў «Джэноа», але з-за скандалу з дагаворнымі матчамі генуэзцаў адправілі ў Серыю C1, а Лавесі быў прададзены ў «Сан-Ларэнса» за 1,2 мільёна еўра.

5 ліпеня 2007 года «Напалі», які вярнуўся ў Серыю A і шукаў узмацнення для каманды, заключыў кантракт з Эсек’елем на 5 гадоў. Трансфер іграка каштаваў італьянскаму клуба 6 мільёнаў еўра, а Лавесі атрымаў у новай камандзе 7 нумар. У новай камандзе футбаліст адразу пачаў паказваць добрыя вынікі, у прыватнасці, ён зрабіў хет-трык у браму «Пізы» у матчы на Кубак Італіі. Свой першы гол у лізе ён правёў у браму «Удзінезэ» 2 верасня 2007 года. Пасля матча, які скончыўся перамогай «Напалі» з лікам 5:0, СМІ абвясцілі аб нараджэнні новай "неапалітанскай зоркі. 12 студзеня 2010 года Лавесі падоўжыў кантракт з «Напалі» да 2015 года^[4].

2 ліпеня 2012 года французскі клуб «Пары Сен-Жэрмен» пацвердзіў інфармацыю аб падпісанні з Лавесі чатырохгадовага кантракту. Як паведамлялася, сума трансферу склала да 30 мільёнаў еўра^[5].

У лютым 2016 года перайшоў у кітайскі клуб «Хэбэй Чайна Форчун»^[6]. У лістападзе 2019 года абвясціў аб завяршэнні кар’еры^[7].