Адам Юр’евіч Міцкевіч

Адам Юр’евіч Міцкевіч
Дата нараджэння	1888 ці 1889
Месца нараджэння	Мікалаеўшчына, Мінскі павет, Мінская губерня, Расійская імперыя
Дата смерці	1943
Грамадзянства	Расійская імперыя Беларуская ССР
Род дзейнасці	фізік
Месца працы	Мар’інагорскі дзяржаўны аграрна-тэхнічны каледж імя У. Е. Лабанка БДПУ Камуністычны ўніверсітэт Беларусі імя У. І. Леніна

Адам Юр’евіч Міцкевіч (1888/1889, в. Мікалаеўшчына, Мінскі павет, цяпер Стаўбцоўскі раён — 1943) — беларускі фізік.

Нарадзіўся ў вёсцы Мікалаеўшчына Мінскага павета Мінскай губерні (цяпер Стаўбцоўскі раён Мінскай вобласці) ў беларускай сялянскай сям’і. Брат філолага Ігната Міцкевіча (1876—1949), дваюрадны дзядзька паэта Якуба Коласа^[1].

З 1918 года выкладчык матэматыкі ў Мар’інагорскім сярэднім сельскагаспадарчым вучылішчы. У сакавіку 1921 года вучылішча было пераўтворана ў Мар’інагорскі тэхнікум, у якім Адам Юр’евіч Міцкевіч займаў пасаду загадчыка навучальнай часткі^[2].

Выкладаў на кафедры фізікі педагагічнага факультэта Беларускага дзяржаўнага ўніверсітэта^[1], у Камуністычным універсітэце.

У 1927—1928 гг. падрыхтаваў праект «Слоўніка фізічнай тэрміналогіі». У гэтай яму дапамагала настаўніца Н. А. Вераскоўская. Слоўнік быў выдадзены ў 1929 г. як 21 выпуск серыі «Беларуская навуковая тэрміналогія»^[3].

Арыштаваны 24 ліпеня 1930 года па справе «Саюза вызвалення Беларусі». Асуджаны паводле пастановы калегіі АДПУ СССР 10 красавіка 1931 года за «шкодніцтва і антысавецкую агітацыю» да 5 гадоў пазбаўлення волі. Высланы ў Малмыж Кіраўскай вобласці. Вызвалены ў 1935 годзе.

Памёр у 1943 годзе^[1]. Рэабілітаваны 15 лістапада 1957 г. Судовай калегіяй па крымінальных справах Вярхоўнага суда БССР.