Ѓорѓи Тодоровски

Ѓорѓи Тодоровски - Трупче
Ѓорѓи Тодоровски - Трупче
	Ѓорѓи Тодоровски
Роден(а)	9 мај 1956 (69 г.); Битола, НР Македонија, ФНРЈ
Занимање	глумец
Активен	1979 –
Сопружник	Росана Сариќ

Ѓорѓи Тодоровски - Трупче (Битола, 9 мај 1956) — македонски театарски, телевизиски и филмски глумец.

Филмографија

Година	Филм	Улога
1979	Наши години ТВ-серија	Ико
1980	Време, води ТВ-филм	Скуле
1980	Двојка ТВ-филм	Берберот
1980	Учителот ТВ-филм
1981	Војници ТВ-филм	Трајче
1982	Слана во цутот на бадемите ТВ-филм
1982	Време на летала ТВ-филм
1982	Едно лето ТВ-серија	Марин
1982	Гласот ТВ-филм	Лоранц
1984	Другарувања ТВ-серија	Витко
1984	Јуначко колено ТВ-серија	Ученикот
1985	Тетовирани души ТВ-филм
1987	Ѕвездите на 42-та ТВ-филм
1987	Хај-фај ТВ-филм
1987-1990	Чук, чук Стојанче ТВ-серија
1988	Викенд на мртовци ТВ-филм	Свадбар
1988-1989	Еурека ТВ-серија	Келнерот Коља
1989	Мугра ТВ-филм
1989-1993	Македонски народни приказни ТВ-серија
1991	Тврдокорни ТВ-серија
1991	Тетовирање ТВ-филм	Полицаец
1991	Во кафулето кај Гане ТВ-филм	Војник
1992	Сили во воздухот ТВ-филм	Лале
1992	Чудовиштата во нашиот град ТВ-серија
1995	Во светот на бајките ТВ-серија
2000	Погрешно време ТВ-серија	Ацо
2000-2001	Светот има осум страни ТВ-серија
2003	Последниот фалцер ТВ-филм	Циганот
2006	Патување со Рабробил ТВ-филм
2006	Мост ТВ-филм	Миле
2010	Македонски народни приказни ТВ-серија
2011	Трето па машко ТВ-серија	Анастас
2013-2014	Тврдокорни ТВ-серија	Анастас
2013	Старо купувам ТВ-филм	Аурелие
2015	Незрели цреши ТВ-филм
2015	Последниот Македонец ТВ-филм	Тодор Паница
2016	Џган ТВ-филм	Социјален работник
2019	Дедо и внук ТВ-филм	Доктор
2023	Бистра вода ТВ-серија	Доктор
2024	Македонски стари приказни ТВ-серија
2025	Езерото ТВ-филм

Животопис

Тодоровски е роден во 1956 година во Битола. Дипломирал на Факултетот за драмски уметности во Скопје 1979 г. во класата на професорот Љубиша Георгиевски. Во 1981 г. се вработил во Драмскиот театар во Скопје. Работел со многу познати тетарски режисери, а своите почетоци ги врзува со Слободан Унковски во претставите „Ослободување на Скопје“ и „Хамлет“. Со својот професор, режисерот Љубиша Георгиевски работел во претставите „Црнила“, „Еригон“, „ЈУ-антитеза“ и други. Улоги кои се паметат се и оние во претставите „Рибарски караници“, „Викенд за мртовци“, „Самоубиец“, „Зојкин стан“, „Дон Жуан“, „Ладало“, „Прости дарови“, „Жени во народното собрание“, „Дедо Мраз и Феферона“, „Хамлет од Долно Гаштани“, „Мачка на вжештениот лимен покрив“, „Македонски рулет“, „Лет во место“, „Крал Иби“, „Авантурите на Пинг и Луси“, „Салома“, „Ју антитеза“, „Свадба“, „Ноќ спроти Водици“, „Смртта на Дантон“, „Сказна за времето“, „Сили во воздухот“, и други.

Забележливи му се и улогите во многу детски претстави. Учествувал скоро на сите позначајни театарски фестивали, а зел учество и на гостувањата во Бугарија, Србија, Хрватска, Словенија, БиХ, Италија и други места. Во исто време учествувал во многу ТВ-проекти како ТВ-драми и ТВ-филмови, играни серии и детски ТВ-серии. Својот талент го покажал и во над 50 радио-драми како и во 18 играни филмови: „Време води“ на Бранко Гапо, „Хај фај“ - Владимир Блажевски, „Војници“ - Стјепан Заниновиќ, "Двојка" на Тихомир Бачовски, "Време на летала" на Иван Митевски, "Во кафулето кај Гене" на Миле Гроздановски, "Последниот фалцер" и "Старо купуем" на Младен Крстевски, "Последниот Македонец" и "Дедо и внук" на Илија Пиперковски, "Џган" на Вардан Тозија и играниот италијански филм за Мајка Тереза „Глас“, каде што ја оствари улогата на Лоренцо, на познатиот италијански режисер Брунело Ронди.

Голема популарност стекнал и во ТВ-емисиите за кулинарството каде со својот шарм и вештина стана пионер и бренд за ваквиот тип на емисии. Трипати бил избран за најпопуларно ТВ-лице, а двапати за најпопуларна личност во Македонија од весникот Вечер. Во своите улоги Ѓорги Тодоровски се претставува како творец со култивиран талент, со потресни акценти и изразена глума. Во 2022 година се пензионира во Драмски театар - Скопје.

Театарски претстави