Јосиф Полошки

Јосиф Тетовско-гостиварска епархија
Митрополит Тетовско-гостиварски
На должноста 3 ноември 2013 – во служба
Претходник	Кирил
Лични податоци
Роден(а)	21 јануари 1982 Скопје
Националност	Македонец
Професија	Митрополит на МПЦ-ОА
Вероисповед	Православен христијанин

Митрополитот г. Јосиф (роден во Скопје на 21 јануари 1982) — митрополит на Тетовско-гостиварската епархија која ги опфаќа градовите Тетово и Гостивар.

Митрополитот Јосиф е роден на 21 јануари 1982 година во Скопје. По завршувањето на основното образование, во 1997 година, се запишал во Македонската православна богословија „Св. Климент Охридски” во Скопје, која ја завршил во 2002 година. Веднаш потоа го започнал монашкиот подвиг во братството на Бигорскиот манастир, а воедно, како вонреден студент се запишал на Православниот богословски факултет „Св. Климент Охридски“ во Скопје, каде дипломирал во 2010 година, со одбрана на дипломскиот труд: “Богородица – почеток на Новиот завет”.

Замонашен е на 10 септември 2003 година од страна на неговиот надлежен архијереј, митрополитот дебарско-кичевски, господин Тимотеј. Следната, 2004 година бил ракоположен во ѓаконски чин. За еромонах бил ракоположен на денот на манастирската слава на Бигорската обител, на 7 јули 2006 година.

На 28 јуни 2012 година бил избран за Епископ Велички и бил поставен за викар на Скопската епархија, со која раководел Архиепископот охридски и македонски, господин господин Стефан.

По смртта на митрополитот Полошко-кумановски Кирил и делењето на епархијата на две, на 17 септември 2013 година^[1], Епископот Велички Јосиф бил поставен за прв митрополит на новоформираната Тетовско-гостиварска^[2], односно бил хиротонисан на 3 ноември 2013 година во Соборниот храм „Св. Кирил и Методиј“ во Тетово.^[3]

• Биографија на страната на Скопската епархија^{[мртва врска]}

п р у Митрополити на Македонската православна црква — Охридска архиепископија Сегашни архијереи Стефан (Скопска епархија)  • Петар (Преспанско-пелагониска епархија)  • Тимотеј (Дебарско-кичевска епархија)  • Наум (Струмичка епархија)  • Агатангел (Повардарска епархија) • Јован (Крушевско-демирхисарска епархија)  • Методиј (Американско-канадска епархија)  • Пимен (Европска епархија)  • Иларион (Брегалничка епархија)  • Марко (Делчевско-каменичка епархија)  • Јосиф (Тетовско-гостиварска епархија)  • Григориј (Кумановско-осоговска епархија)  • Јоаким (Дељадровско-илинденска епархија)  • Климент  • Давид  • Јаков  • Партениј  • Никола • Свет синод (Австралиско-новозеландска епархија, Австралиско-сиднејска епархија) Македонска православна црква — Охридска архиепископија