Англофризиски јазици

Англофризиските јазици (наречени и Островски германски јазици) е група северноморски западногермански јазици која се состои од староанглискиот, старофризискиот јазик, и нивните денешни потомци. Семејната лоза на англофризиските јазици е следнава:

• Англофризиски
  • англиска група (островски англофризиски)
    • англиски
    • шкотски
    • јола (исчезнат)
  • фризиска група (континентални англофризиски)
    • западнофризиски
    • затерландски фризиски (источнофризиски)
    • севернофризиски

Англофризиските јазици се разликуваат од останатите западногермански јазици делумно по „северноморската носна струјна согласка“, „англофризиското осветлување“ и палатализацијата на прагерманското *k во преднојазична слеана согласка пред предните самогласки: спор. англиското cheese и западнофризиското tsiis со холандското kaas и германското Käse, или пак англиското church и западнофризиското tsjerke со холандското kerk и германското Kirche. Првобитните англофризиски говори образувале јазичен сојуз со старосаксонскиот, кој се вбројува во групата на долносаксонско-долнофранконски јазици.

Германскиот јазичар Фридрих Маурер го отфрла англофризиското групирање како историски правилна целина, и наместо него предлага друга група наречена северноморски германски јазици (или „ингвагеонски“), како заеднички предок на старофризискиот, староанглискиот и старосаксонскиот јазик.

Еве една споредба на називите на броевите од 1 до 10 на разни англофризиски јазици.