Димитар Андонов

Димитар Андонов (Донев) Петров (1856 - 1934) — македонски зограф и иконописец, припадник Дебарската школа и зографскиот род Ангелковци.

Роден е во 1856 г. во Гари, Дебарско, во семејството на зографот Андон Петров. Работел во Прилепско, Кавадаречко и Мариово заедно со татко му, чичко му Спасе и браќата Ѓорѓи и Нестор Андонов.^[1]

Димитар Андонов, Ѓорѓи Андонов и Ефтим Спасов се автори на фреските во „Вознесение Христово“ во Долнени.

Околу 1919 г. Крсте Николов Колоски заедно со синот Рафаил и мајстор Димитар Андонов твореле во црквата „Св. Атанасиј|Св. Атанасиј“ во тетовско Радиовце.^[2] Димитар Андонов ги насликал иконите и фреските на црквата „Св. Петар и Павле“ во село Мешеишта.^[1] Во 1927 г. со брат му Ѓорѓи го живописале храмот „Св. Илија“ во Лактиње.^[3]

Починал во 1934 г.^[1] Син му Илија Димитров Андонов се занимавал со истата уметност. Заедно со братучед му Андон (Доне) Георгиев Андонов во 1938 г. ги насликале живописите во црквата „Св. Димитриј“ во Атишта и во други села во Кичевско. Илија подоцна се преселил во Шумен, каде почнал да се занимава со слаткарство.^[1]

• Фрески од „Вознесение Христово“ во Кален, 1891 г.
• 
  „Богородица Поширока од небесата“
• 
  Детаљ од Страшниот суд
• 
  „Успение Богородично“ со ктиторскиот натпис
• 
  Зографскиот натпис

• Фрески од „Св. Троица“ во Ропотово, 1910 г.
• 
  Фреска во апсидата
• 
  Страшниот суд
• 
  Фрески
• 
  Зографскиот натпис, 1910 г.

• Икони и фрески од „Св. Атанасиј“ во Радиовце, 1919 г.
• 
  Иконостасот
• 
  „Архангел Михаил“
• 
  „Преображение Христово“
• 
  „Светиот евангелист Јован“
• 
  „Светиот евангелист Матеј“