Географија на Словачка

Словачка е држава која се наоѓа во Средна Европа.

Вкупната површина на земјата изнесува 49.035 км², и според тоа се наоѓа на 130 место по големина во светот. Земјата граничи со Полска, на југ со Унгарија, на исток со Украина и на запад со Чешка и Австрија.

Главниот град Братислава е најголемиот во државата со 475,503^[1] жители.

Според пописот, вкупното население во Ерменија е околу 5,422,194^[2] жители. Густината на населеноста е 111/km2 жители на квадратен километар.

Во словачкиот релјеф доминантни се планинските венци и природа со Карпатите кои се протегаат на северниот дел од државата.^[3] Како дел од тие планини е и планината Татра. Во близина на полската граница се наоѓаат Високите Татри кои се популарно одредиште за скијање. На Големите Татри има доста мали езера и тука се наоѓа највисоката точка на Словачка - Герлаховски Штит со висина од 2.655 метри и словачката симболично највисока планина Кривањ.

Поголеми словачки реки се: Дунав, Вах и Хрон. Тиса ја сочинува словачко-унгарската граница за 5 км. Климата на Словачка воглавно е континентална.