Караџали (Овче Поле)

Караџали
Караџали Местоположба на Караџали во Македонија Караџали на карта
Координати 41°46′32.78″N 21°53′39.22″E / 41.7757722°N 21.8942278°E / 41.7757722; 21.8942278
Регион	Вардарски
Општина	Лозово
Население	0 жит. (поп. 2021)[1]
Шифра на КО
Надм. вис.	279 м

Караџали — историско село, во околината на градот Свети Николе.

Селото се наоѓало во самото Овче Поле, 1 км југозападно од селото Џумајлија (денес Лозово). Тука денес поминува патот кон село Дорфулија. Селото било рамничарско на надморска височина од 279 метри.

Селото во XIX век било дел од Штипската Каза, односно нахијата Берекетли (Овче Поле). По Првата балканска војна, потпаѓа во рамките на Кралството Србија и било дел од општина Џумајлија. Потоа за време на Првата светска војна потпаѓа под бугарска контрола, каде било дел од новата бугарска општина Џумајлија. По враќањето на српската контрола во селото, било сместено во рамктие на општина Џумали.

Според статистиката на Васил К’нчов („Македонија, Етнографија и статистика“) од 1900 година, во Кара Џали живееле 150 жители, сите Турци.^[2]

Димитар Гаџанов во 1916 година забележал дека во селото имало 13 Турци.^[3]

Според германска карта издадена во 1941 година, а заснована на пописот на Кралството Југославија од 1931 година, селото имало 25 до 50 Турци.^[4]