Мариенберг

**Мариенберг**
	Мариенберг
	Мариенберг во 1650Мариенберг во 1650
	Мариенберг
	Управа
Земја	Германија
Покраина	Саксонија
Округ	Рудни Планини
Градски единици	9
Градоначалник	Томас Витиг (ДХС)
	Основни податоци
Површина	133,47 км2
Надм. височина	609 м
Население	16.603 (31 декември 2022)
- Густина	124 жит/км2
	Други информации
Часовен појас	CET/CEST (UTC+1/+2)
Рег. табл.	ERZ
Пошт. бр.	09491-09496
Повик. бр.	03735
Портал	www.marienberg.de
Местоположба на градот Мариенберг во рамките на округот Рудни Планини
	Карта
Координати	50°38′N 13°9′E / 50.633°N 13.150°E

За други значења на поимот, погл. Мариенберг (појаснување).

Мариенберг (германски: Marienberg) — град во Германија. Бил главен град на округот Средни Рудни Планини во јужниот дел на сојузната покраина Саксонија, а од август 2008 година е дел од новиот округ Рудни Планини.

Географија

Градот се наоѓа на плато северно од планинскиот масив Рудни Планини, на надморска височина помеѓу 460 и 891 метар. Се наоѓа околу 31 километар јужно од Кемниц, со кој е поврзан преку железницата Флехатал (Flöhatalbahn).

Историскиот центар на градот следел ректагуларен план, имитирајќи ја италијанската ренесанса. Центарот се наоѓа на плоштадот со површина од 1,7 хектари.

Мариенберг и Поберсхау биле здружени во Амт Мариенберг, сè додека Поберсхау не се приклучил кон Мариенберг од 1 јануари 2012.

Историја

Првиот документиран доказ поврзан со Мариенберг е спомнувањето на селото Вистеншлета како Слетин (Sletyn) во 1323 година. Меѓутоа, градот бил основан на 27 април 1521 година од Хајнрих IV, војвода на Саксонија, по откривањето на среброто во 1519 година. Мариенберг добил градски права во 1523 година и имал свој рударски одбор од 1525 година. Во 1555 година, имало над илјада рудници во областа на Мариенберг. По ископувањето на среброто, бакарот и калајот биле ископувани во XVII век. Последниот рудник бил затворен во 1899 година. Денес, туризмот е важен сектор на економијата.