Гринхајн-Бајерфелд

Гринхајн-Бајерфелд
Црквата Св. Никола во Гринхајн
Гринхајн-Бајерфелд
Управа
Земја	Германија
Покраина	Саксонија
Округ	Рудни Планини
Градски единици	3
Градоначалник	Јоаким Рудлер (ДХС)
Основни податоци
Површина	22,26 км2
Надм. височина	505 м
Население	5.712 (31 декември 2022)[1]
- Густина	257 жит/км2
Други информации
Часовен појас	CET/CEST (UTC+1/+2)
Рег. табл.	ERZ
Пошт. бр.	08344
Повик. бр.	03774
Портал	www.gruenhain-beierfeld.de
Местоположба на градот Гринхајн-Бајерфелд во рамките на округот Рудни Планини
Координати	50°34′N 12°48′E / 50.567°N 12.800°E / 50.567; 12.800

Гринхајн-Бајерфелд (германски: Grünhain-Beierfeld) — град во округот Рудни Планини, во сојузната покраина Саксонија, Германија, кој се наоѓа 8 километри источно од Ауе. Настанал на 1 јануари 2005 година со спојување на градот Гринхајн и општината Бајерфелд.

Градот се наоѓа во североисточниот дел на округот. Највисока точка во градот е Шпигелвалд (шума) на 738 метри надморска височина.

На север, градот се граничи со Цвениц, на исток со Елтерлајн, на југ со Рашау, на југозапад со Шварценберг на запад со Бернсбах и Лесниц.

Гринхајн-Бајерфелд има три составни дела:

• Бајерфелд
• Гринхајн
• Вашлајте

Областа околу Бајерфелд била населена во XII век. Како многу други места во Рудните Планини, Бајерфелд бил само едно шумско село (Waldhufendorf). Името на градот потекнува од баварските доселеници (првите два слога, „Beier“ се изговараат на ист начин како германскиот збор Bayer, што означува „баварски“). Во 1233 година, Бајерфелд станал манастирско место со Мајнхард II од Вирбене на гринхајнската опатија. Така, игуменот на Гринхајн ја одржил јурисдикцијата над заедницата до реформацијата.

Меѓутоа, кога дошло рударството, започнал и преминот од чисто земјоделска заедница на индустриска. Зголемувањето на добивките на производителите на прибори за јадење во XVII и XVIII век, како и на индустријата за плочки во XIX век, го направиле градот главна точка на бизнисот. Од почетоците на рачно изработени куќни и кујнски машини, пораснало фабричкото производство во големи претпријатија на почетокот на XX век.

Гринхајн првпат бил споменат во 1150 година. Локацијата на солениот пат од Хале до преминот Пресниц и понатаму до Бохемија ги натерала Систерците да дојдат тука и да основаат манастир. Во 1276 година, Гринхајн ги добил градските права. До 15 век, манастирот го проширил своето поле на влијание, главно преку донации. На почетокот на реформацијата, манастирот зел под своја закрила 56 села и три градови. реформацијата и Триесетгодишната војна биле крајот на манастирот.

Вашлајте бил првпат документиран во 1531. Веќе од XIII век, рударството започнало во долината Освалд, каде се наоѓа Вашлајте. Покрај среброто, калајот и железото, подоцна почнал да се ископува и мермер. Рударството продолжило до 1920. Рударството има свое влијание и во името на местото, кое се однесува на операцијата миење на рудата на гребен.

На 1 јануари 1999 година, Вашлајте се споил со Бајерфелд.

На 1 јануари 2005 година, Гринхајн и Бајерфелд се споиле, така што дошло и до промена на името во Гринхајн-Бајерфелд.

• Изложбата Zur Heimatecke во Вашлајте
• Рудникот Herkules-Frisch-Glück во Вашлајте
• Музеј на Црвениот Крст во Бајерфелд

• Original Grünhainer Jagdhornbläser

• Остатоци од систерцерски манастир во Гринхајн
• Руини од црквата Свети Освалд (Dudelskirche) во Вашлајте
• Црква Св. Петар и Павле во Бајерфелд
• Црква Св. Никола во Гринхајн
• Кула Крал Алберт (König-Albert-Turm)

• Природен парк Вашлајте

• Природен базен Гринхајн

• Löffelmacherfest во Бајерфелд (фестивал на производителите на лажици)
• Klosterfestspiele во Гринхајн („манастирски игри“)
• Harzerfest во Вашлајте

Трите фестивали се одржуваат по ред, секоја година.

Гринхајн-Бајерфелд не е поврзан со ниедна друга општина со сојузен автопат; меѓутоа, најважните патни врски се со Шварценберг, близу кого поминува сојузниот автопат Б101 и патот до Цвениц.

• Кабел Журнал (Kabel Journal)

• 2 основни училишта
• 1 средно улилиште
• 1 стручен училиштен центар

• Јохан Херман Шајн (1586-1630) — композитор
• Фриц Кернер (1873-1930) — поет
• Лизелот Пизер (1917-1998) — економист и политичар, член на Бундестагот

• Кунц фон Кауфунген (околу 1410-1455) — организатор на грабежот на кнежевството Алтенбург, фатен близу Вашлајте
• Јохан Габриен Лебел (1635–1696) — сопственик на стакларница и производител на железо, умрел во Гринхајн
• Томас Келер (1940- ) — двоен олимписки медалист во санкање, живеел во Бајерфелд
• Ортрун Ендерлајн (1943- ) — натпреварувач во санкање, работел во Бајерфелд

• Гринхајн-Бајерфелд на Ризницата ^?
• Службена страница на градот

п р у Градови и општини во округот Рудни Планини Ајбеншток Амтсберг Анаберг-Буххолц Ауе Ауербах Бад Шлема Беренштајн Бернихен Бокау Брајтенбрун Буркхартсдорф Волкенштајн Гајер Геленау Горнау Горнсдорф Гринхајн-Бајерфелд Гринхајнихен Гросолберсдорф Гросрикерсвалде Дојчнојдорф Дребах Елсниц Елтерлајн Еренфридерсдорф Зематал Зајфен Јансдорф Јештат Јохангеоргенштат Кенигсвалде Кротендорф Лаутер-Бернсбах Лесниц Лугау Мариенберг Милденау Нидервиршниц Нидердорф Нојкирхен Обервизентал Олбернхау Покау-Ленгефелд Рашау-Маркерсбах Таненберг Талхајм Термалбад Визенбад Тум Хајдерсдорф Хондорф Цвениц Чопау Чорлау Шајбенберг Шварценберг Шенхајде Шлетау Шнеберг Штиценгрин Штолберг