Тој првенствено игра како крило и може да настапува на двете страни, но неговата разноврсност му овозможува да се користи и на различни други позиции, вклучувајќи лев бек, офанзивен играч од средниот ред или мецала.[1][2][3] Како левак обдарен со одлични атлетски вештини, тој има одличен дриблинг и центаршут,[3] и покажал дека има добро чувство за гол.[2][4]
Во 2020 година, бил вклучен во листата на најдобрите шеесет фудбалери родени во 2003 година, составена од англискиот весник The Guardian.[5]
Клупска кариера
Почетоци
Илинг-Џуниор (бр. 11) играјќи во академијата на Челси во 2018.
Роден во Ислингтон,[6]Лондон, Илинг-Џуниор се приклучил на академијата на Челси во 2011 година на осумгодишна возраст,[7][8] и поминал девет години во клубот.[9] Напредувајќи брзо низ младинските категории во клубот, во 2019 година, на возраст од само 16 години, тој бил промовиран во тимот на сините под 19 години.[10] Во 2020 година, тој одлучил да го напушти Челси, отфрлајќи ја опцијата за договор со атлетска стипендија,[11] приклучувајќи му се на Јувентус со кој го потпишал првиот професионален договор во својата кариера во септември истата година.[12][13]
Јувентус
2020-2022: Јувентус У19, У23 и Некст Џен
Илинг-Џуниор играјќи за У19 тимот на Јувентус во 2021
По приклучувањето на Јувентус, Илинг-Џуниор играл за младинските тимови на клубот: најпрво во Примавера (под 19 години), а потоа на 2 април 2021 година, го добил и својот прв повик во Јувентус У23, заедно со соиграчот од Примавера Габриеле Мулаци, за натпреварот од Серија Ц против Алесандрија.[14] Тој ја заврши сезоната 2020-2021, со четири гола и седум асистенции во 28 натпревари за тимот под 19 години.[10]
На 22 август, тој го направил своето деби за Јувентус У23 во победата со 3–2 против Про Сесто во Купот на Италија Серија Ц. Неговото деби во Серија Ц дошло на 3 октомври, заменувајќи го Никола Секулов во второто полувреме од натпреварот против Мантова.[15] Тоа бил неговиот единствени настапи за У23 тимот, бидејќи остатокот од сезоната ја поминал играјќи за тимот под 19 години, поправајќи ја својата статистика во однос на претходната сезона, играјќи 36 натпревари на кој постигнал 13 гола.[10] Тој исто така, му помогнал на У19 тимот да стигне до полуфиналето на Младинската лига на УЕФА, нивно најдобро достигнување во натпреварувањето дотогаш.[16]
Пред почетокот на сезоната 2022-2023, Илинг-Џуниор бил промовиран во У23 тимот, сега преименуван во Јувентус Некст Џен. На 3 септември 2022 година, тој го постигнал својот прв гол во професионалната кариера, правејќи го во 13-тата минута од натпреварот против Тренто во Серија Ц, кој завршил со победа на Јувентус Некст Џен од 2-0.[17] Десет дена подоцна, тој постигнал уште еден погодок во поразот со 1-2 на домашен терен од Падова, а на 9 октомври во ремито 3-3 на гостувањето кај Пјаченца, тој го постигнал својот трет погодок за сезоната и забележал асистенција за првиот гол на неговиот тим кој го постигнал Алесандро Серсанти. Одличната форма, со три постигнати гола во шест натпревари за Некст Џен, наскоро му носи повик и деби за првиот тим на Јувентус.
Интересно, иако веќе добил договор и бил промовиран во првиот тим на Јувентус, во март 2023, Илинг-Џуниор се вратил да настапува за Некст Џен со цел да му помогне на клубот во финалето на Купот на Италија за екипи од Серија Ц против Виченца. Во првиот натпревар тој го постигнал единствениот гол за Јувентус Некст Џен во поразот на домашен терен со 1-2,[18][19] додека во реваншот тој промашил пенал кој самиот го изнудил шутирајќи високо над голот во поразот со 3-2.[20][21]
Своето деби за првиот тим на Јувентус го направил следната сезона, во натпреварот против Емполи во Серија А, на 21 октомври, влегувајќи како замена за Филип Костиќ во 84-тата минута.[10] На 25 октомври, дебитирал во Лигата на шампионите против Бенфика, влегувајќи повторно на местото на Костиќ во 70-тата минута, кога Јувентус заостанувал со 4–1;[23] по влегувањето во игра тој асистирал за голот на Аркадиуш Милик за 4–2 шест минути подоцна, и обезбедил клучно додавање за голот на Вестон Мекени две минути подоцна.[23] Четири дена подоцна, во натпреварот на гостински терен против Лече, Илинг-Џуниор му асистирал на Николо Фаџоли, кој по само 41 секунда од влегувањето на теренот го постигнал победничкиот гол во победата со 0-1.[24] Сепак, во текот на натпреварот тој доживеал извртување на глуждот откако бил фаулиран од Федерико Ди Франческо, што го извадило од акција за 20 дена.[25]
На 19 декември 2022, Јувентус објавил дека Илинг-Џуниор го обновил договорот до 2025 година, а потоа бил трајно промовиран во првиот тим.[26] На 19 јануари 2023, го имал првиот старт во почетната постава на Јувентус, во натпреварот на домашен терен против Монца во Купот на Италија.[27] На 7 мај, за време на гостувањето кај Аталанта, тој го забележал својот прв старт за Јувентус во Серија А и во истиот натпревар го постигнал својот прв гол, отворајќи го резултатот во успехот на бјанконерите со 0-2.[28] Првата сезона со првиот тим на Јувентус ја затворил со 18 настапи во сите конкуренции и еден постигнат погодок.
Во првиот дел од сезоната 2023-2024, Илинг-Џуниор се соочува со значително намалена минутажа, поради конкуренцијата на неговата позиција од Костиќ и новото засилување Андреа Камбјазо.[29] На 7 јануари 2024 година, го постигнал својот прв гол за сезоната, за моментално израмнување на резултатот во првенствениот натпревар на гостувањето против Салернитана, кој подоцна бјанконерите го добиле со 1-2.[30] На 15 мај 2024, го освоил својот прв трофеј со Јувентус, Купот на Италија, со победата од 1-0 над Аталанта во финалето кое Илинг-Џуниор го одиграл целосно.[31]
.jpg)
.jpg)
.png){kind=small}
_con_leone_Giallo.svg){kind=small}
_17.jpg)
.svg){kind=small}
