Српски воени гробишта (Скочивир)

Српски воени гробишта во Скочивир

Српските воени гробишта во 2017 година
Податоци
Место	Скочивир
Земја	Македонија
Координати	40°58′29.9″N 21°39′18.9″E / 40.974972°N 21.655250°E / 40.974972; 21.655250
Големина	500

Српски воени гробишта во Скочивир или Српски воени гробишта 1912-1918^{[б 1]} — воени гробишта во селото Скочивир на коишто се погребани војници кои загинале во Првата светска војна.

Гробиштата се наоѓаат на 2 км од селото Скочивир, од десната страна по течението на Црна Река.^[1]

Во есента 1916 година, за време на Првата светска војна, селото Скочивир било на самата фронтовска линија, а потоа борбите се префрлиле неколку километри подалеку, па така тоа станало важна комуникациска точка за силите на Антантата. Во 1916 година, во Солун била формирана болница на руската принцеза Александра Наришкина, а следната 1917 година во близина на Скочивир работела и полската Болница на шкотските жени. Местоположбата на овие две болници даваат објаснување за големиот број гробови од Првата светска војна коишто се забележливи на две места: првото е во дворот на црквата „Св. Петка“, а второто се денешните воени гробишта покрај патот кој поминува низ излетничката населба Коњарка и води до врвот Кајмакчалан. Освен тоа, во близина на селото и денес постои т.н. „Француски пат“ кој го поврзувал Скочивир со денес напушеното село Чегел, а помеѓу овие две села постоела и жичница којашто служела за доставување воен материјал.^[1]

Гробиштата се простираат на површина од околу 3.500 м² и на нив се погребани околу 500 српски војници кои загинале во битката на Кајмакчалан.^[2]

• 
  Влезот на гробиштата
• 
  Натписна плоча до влезот
• 
  Гробиштата одвнатре
• 
  Гробиштата однадвор

• Српски воени гробишта (Битола)
• Српски воени гробишта (Добровени)

• Српски воени гробишта (Скочивир) на Ризницата ^?