နိုင်ငံခြားရေးဝန်ကြီးဌာန ဝန်ကြီး

ပြည်ထောင်စုသမ္မတမြန်မာနိုင်ငံတော် ၏ နိုင်ငံခြားရေးဝန်ကြီးဌာန ပြည်ထောင်စုဝန်ကြီး
အမှတ်တံဆိပ်
တာဝန်ထမ်းဆောင်ဆဲပုဂ္ဂိုလ် ဦးသန်းဆွေ ၁ ဖေဖော်ဝါရီ ၂၀၂၁ မှစ၍
နိုင်ငံခြားရေးဝန်ကြီးဌာန
အဖွဲ့ဝင်	ပြည်ထောင်စုအစိုးရအဖွဲ့၊ အမျိုးသား ကာကွယ်ရေးနှင့် လုံခြုံရေးကောင်စီ
အစီရင်ခံရသူ	သမ္မတ
ရုံးတည်နေရာ	ရုံးအမှတ် (၉)၊ နေပြည်တော်
ခန့်အပ်သူ	သမ္မတ (ပြည်ထောင်စု လွှတ်တော်၏ သ​ဘောတူညီချက်ဖြင့်)
သက်တမ်း	ပုံမှန် (၅)နှစ်
ဖွဲ့စည်းခြင်း	မတ် ၁၇၊ ၁၉၄၇; ၇၈ နှစ် အကြာက (၁၉၄၇-၀၃-17)
ပထမဆုံး ထမ်းဆောင်သူ	ဗိုလ်ချုပ်အောင်ဆန်း
လက်ထောက်	ဦးကျော်မျိုးထွဋ်
လစာ	၃,၀၀၀,၀၀၀[၁]
ဝက်ဘ်ဆိုဒ်	mofa.gov.mm

နိုင်ငံခြားရေးဝန်ကြီးဌာန ဝန်ကြီးသည် မြန်မာနိုင်ငံ၏ နိုင်ငံခြားရေးမူဝါဒများနှင့် သံတမန်ကိစ္စရပ်များကို ကိုင်တွယ်သည့် နိုင်ငံခြားရေး ဝန်ကြီးဌာန၏ အကြီးအမှူး ဝန်ကြီးဖြစ်သည်။ တရားဝင်အားဖြင့် နိုင်ငံခြားရေးဝန်ကြီးဌာန ပြည်ထောင်စုဝန်ကြီး (အင်္ဂလိပ်: Union Minister for the Ministry of Foreign Affairs) ဟုအသုံးပြုသည်။ပြည်ထောင်စုအစိုးရအဖွဲ့အတွင်း ထိပ်ပိုင်းတွင်တည်ရှိကာ နိုင်ငံရေးအရ အရေးပါသောရာထူးတစ်ခုဖြစ်သည်။ လက်ရှိဝန်ကြီးမှာ ဦးသန်းဆွေဖြစ်သည်။

နိုင်ငံခြားရေးဝန်ကြီးဌာနအနေဖြင့် ကိုလိုနီခေတ်က တိုင်းပြည်၏ နိုင်ငံခြားရေးရာများကို မြန်မာနိုင်ငံ၏သဘောအလျောက် စီမံခွင့်ရပြီး နိုင်ငံခြားရေးရာဌာန စတင်တည်ထောင်သည့်နေ့ကို နိုင်ငံခြားရေးဝန်ကြီးဌာန၏ နှစ်ပတ်လည်နေ့အဖြစ် သတ်မှတ်ကာ ထိုစဉ်ကဌာနအကြီးအကဲ ဗိုလ်ချုပ်အောင်ဆန်းကို ပထမဆုံးနိုင်ငံခြားရေးဝန်ကြီးဟု သတ်မှတ်ထားသည်။^[၂]

လက်ရှိအချိန်အထိ နိုင်ငံခြားရေးဝန်ကြီး (၂၄)ဦးရှိသည်။ဒေါ်အောင်ဆန်းစုကြည်မှာ ၂၀၁၆ခုနှစ်တွင် နိုင်ငံခြားရေးဝန်ကြီးဖြစ်လာပြီး ပထမဆုံးသော အမျိုးသမီးနိုင်ငံခြားရေးဝန်ကြီးဖြစ်သည်။ နိုင်ငံခြားရေးဝန်ကြီးများသည် အရပ်သားများသာမက နိုင်ငံရေးအခြေအနေကြောင့် တပ်မတော်သားများကပါ ဝန်ကြီးများအဖြစ် တာဝန်ထမ်းဆောင်ဖူးသည်။^[၃]

ပြည်ထောင်စုသမ္မတမြန်မာနိုင်ငံတော် ၏ အပြည်ပြည်ဆိုင်ရာပူးပေါင်းဆောင်ရွက်ရေးဝန်ကြီးဌာန ပြည်ထောင်စုဝန်ကြီး
တာဝန်ထမ်းဆောင်ဆဲပုဂ္ဂိုလ် ဦးကိုကိုလှိုင် ၂ ဖေဖော်ဝါရီ ၂၀၂၁ မှစ၍
အပြည်ပြည်ဆိုင်ရာ ပူးပေါင်းဆောင်ရွက်ရေး ဝန်ကြီးဌာန
အဖွဲ့ဝင်	ပြည်ထောင်စုအစိုးရအဖွဲ့
ရုံးတည်နေရာ	ရုံးအမှတ် (၉)၊ နိုင်ငံခြားရေးဝန်ကြီးဌာန၊ နေပြည်တော်
သက်တမ်း	ပုံမှန် (၅)နှစ်
ဖွဲ့စည်းခြင်း	နိုဝင်ဘာ ၂၄၊ ၂၀၁၇; ၇ နှစ် အကြာက (၂၀၁၇-၁၁-24)
ပထမဆုံး ထမ်းဆောင်သူ	ဦးကျော်တင်
လစာ	၃,၀၀၀,၀၀၀
ဝက်ဘ်ဆိုဒ်	mofa.gov.mm

အပြည်ပြည်ဆိုင်ရာပူးပေါင်းဆောင်ရွက်ရေးဝန်ကြီးဌာန ပြည်ထောင်စုဝန်ကြီး (အင်္ဂလိပ်: Union Minister for the Ministry of International Cooperation) သည် မြန်မာနိုင်ငံ၏ နိုင်ငံခြားရေးနှင့် သက်ဆိုင်သော ဝန်ကြီး (၂)ဦးမှ တစ်ဦးဖြစ်သည်။၂၀၁၇ခုနှစ်တွင် နိုင်ငံခြားရေးဝန်ကြီးဌာန ဒုတိယဝန်ကြီးကို ပြည်ထောင်စုဝန်ကြီးအဖြစ် စတင်ခန့်အပ်ခဲ့သည်။၎င်း၏တာဝန်မှာ တချို့သော နိုင်ငံခြားရေးရာကိစ္စများတွင် နိုင်ငံခြားရေးဝန်ကြီးကိုယ်စား ဝန်ကြီးအဆင့်ဖြင့် တာဝန်ယူနိုင်ရန်ဖြစ်သည်။^[၄]လက်ရှိပြည်ထောင်စုဝန်ကြီးမှာ ဦးကိုကိုလှိုင်ဖြစ်သည်။

မြန်မာ့နိုင်ငံရေးတွင် ပြည်ပရောက် စင်ပြိုင်အစိုးရများရှိခဲ့ပြီး ထိုအစိုးရအဖွဲ့များတွင်လည်း နိုင်ငံခြားရေးဝန်ကြီးများရှိခဲ့သည်။

• ဒေါက်တာစိန်ဝင်း (၁၉၉၀ - ၂၀၁၂)

• ဒေါ်ဇင်မာအောင် (၂၀၂၁ - လက်ရှိ)
• ဒေါက်တာဆာဆာ (၂၀၂၁ - လက်ရှိ) (အပြည်ပြည်ဆိုင်ရာပူးပေါင်းဆောင်ရွက်ရေးဝန်ကြီး)