Los tres vilatges a l'origina de la comuna que's segueishen sus ua rota parallèla au cors d'Ador; d'amont en avau, Bèthlòc, Ju e Baulat (aqueste, lo pus petit, a 800 m haut o baish de Ju). La maison comuna qu'es a Ju, lo vilatge mei centrau.
Dauzat qu'explica Jû-Belloc peu mot jus, « devath », e Bèthlòc[7] (Ju es en avau de Bèthlòc). Mès la comuna data de 1822 e lo nom es pus ancian (pr'aquò, segon lo site Cassini, lo nom de la comuna que seré dejà Jû-Belloc, en 1801 [8]). De mei, lo nom que seré normalament *Jus e non pas Ju.
Segon Negre, Ju que vengueré deu gascon ju « joata, contrapés d'ua campana », probablament per representar la hautor leugèra deu vilatge[9]...
Bèthlòc
Beròi site, endret beròi per s'i establir [10],[11]. Lo nom qu'es sovent donat a mongias, mès per aqueste Bèthlòc ?
Baulat
Lo nom qu'es lo medish que Baulac (ancianament, Baulat, Baulats). Lo nom qu'es format de bau, « artiga, èrm, bosiga » (sens en Gironda) e de lat « vaste, gran » [12]. Lo sens donat per lo Palai qu'es « ròc abrupte, escalabrós », mès la geografia de Baulat que s'i opausa (pr'aquò, de Baulat se vei lo penent de Castèthnau de Ribèra Baisha, Ador delà, mès aquò pòt motivar un nom locau ?).
Istòria
Aquesta seccion es voida, pas pro detalhada o incompleta. Vòstra ajuda es benvenguda !
En 1822, Ju que fusionè dab Bèthlòc e Baulat [13]. La comuna mei importanta qu'èra Bethlòc e la mei petita Baulat (son nom que passèt per malha dens la designacion de la comuna).
Aquesta seccion es voida, pas pro detalhada o incompleta. Vòstra ajuda es benvenguda !
.svg){kind=small}
