இரிடியம் அசிட்டைலசிட்டோனேட்டு

இரிடியம் அசிட்டைலசிட்டோனேட்டு
இனங்காட்டிகள்
சிஏஎசு எண்	15635-87-7
யேமல் -3D படிமங்கள்	Image
பப்கெம்	16212107
	SMILES CC(=O)C=C(C)[O-].CC(=O)C=C(C)[O-].CC(=O)C=C(C)[O-].[Ir+3];
பண்புகள்
மூலக்கூறு வாய்பாடு	C15H21IrO6
வாய்ப்பாட்டு எடை	489.54 g·mol−1
தோற்றம்	ஆரஞ்சு நிறத் திண்மம்
உருகுநிலை	269 முதல் 271 °C (516 முதல் 520 °F; 542 முதல் 544 K) (சிதைவடையும்)
	மாறுதலாக ஏதும் சொல்லவில்லை என்றால் கொடுக்கப்பட்ட தரவுகள் யாவும்; பொருள்கள் அவைகளின் இயல்பான வெப்ப அழுத்த நிலையில் (25°C, 100kPa) இருக்கும். வார்ப்புரு மேற்கோள்கள்

இரிடியம் அசிட்டைலசிட்டோனேட்டு (Iridium acetylacetonate) என்பது Ir(O₂C₅H₇)₃ என்ற மூலக்கூற்று வாய்ப்பாட்டால் விவரிக்கப்படும் ஒரு வேதியியல் சேர்மமாகும். சில சமயங்களில் இதை Ir(acac)₃ என்ற சுருக்க வாய்ப்பாட்டாலும் எழுதுவர். இரிடியத்தின் ஒருங்கிணைப்பு அணைவுச் சேர்மமாக இது வகைப்படுத்தப்படுகிறது. இச்சேர்மத்தின் மூலக்கூறு D₃ என்ற சமச்சீரில் காணப்படுகிறது. மஞ்சள் ஆரஞ்சு நிறத்தில் திண்மமாகக் காணப்படும் இரிடியம் அசிட்டைலசிட்டோனேட்டு கனிமக் கரைப்பான்களில் நன்கு கரையும்.

தயாரிப்பு

இரிடியம் முக்குளோரைடு முந்நீரேற்றுடன் அசிட்டைலசிட்டோனைச் சேர்த்து வினைபுரியச் செய்தால் இரிடியம் அசிட்டைலசிட்டோனேட்டு உருவாகும்.^[2] டைபென்சாயில் டார்டாரிக் அமிலத்துடன் இதன் கூட்டுசேர்க்கைப் பொருட்களைப் பிரிப்பதன் மூலம் அணைவுச் சேர்மத்தை தனித்தனியான ஆடியெதிர் உருவங்களாகப் பிரிக்கலாம். இச்சேர்மத்தின் இரண்டாவது இணைப்பு சமப்பகுதியங்களும் அறியப்படுகின்றன. இரண்டாவது சமபகுதியத்தில் அசிட்டைலசிட்டோனேட்டுஈந்தணைவிகளில் ஒன்று கார்பன் மூலம் இரிடியத்துடன் பிணைக்கப்பட்டுள்ளது.^[3]

கார்பன் பிணைப்பு இரிடியம் அசிட்டைலசிட்டோனேட்டின் கட்டமைப்பு

பயன்கள்

O6-பிணைக்கப்பட்ட சமபகுதியம் இரசாயன நீராவி படிவுப் பயன்பாட்டிற்காக ஆராயப்பட்டது. கரிம ஒளியுமிழும் டையோடுகளில் பயன்படுத்தப்படும் சிவப்பு பாசுபரசுநின்றொளிர்வு உமிழ்ப்பான் கலவைகளைப் படியவைப்பது ஓர் எடுத்துக்காட்டாகும்.^[4]^[5]

C-பிணைப்பு சமபகுதியமானது C-H செயல்படுத்தும் வினைகளுக்கு ஒரு வினையூக்கியாகவும் ஆராயப்பட்டது.