கிரைசோயாசுமினம் உமைல்

கிரைசோயாசுமினம் உமைல்
உயிரியல் வகைப்பாடு
திணை:	தாவரம்
உயிரிக்கிளை:	பூக்கும் தாவரம்
உயிரிக்கிளை:	மெய்இருவித்திலி
உயிரிக்கிளை:	தாரகை
வரிசை:	புதினா வரிசை
குடும்பம்:	முல்லைக் குடும்பம்
பேரினம்:	மஞ்ச மல்லிப் பேரினம்
இனம்:	C. humile
இருசொற் பெயரீடு
	Chrysojasminum humile;

கிரைசோயாசுமினம் உமைல் (தாவர வகைப்பாட்டியல்: Chrysojasminum humile) என்பது முல்லைக் குடும்பத்தின் தாவரங்களில் ஒன்றாகும். 1753 ஆம் ஆண்டு இது குறித்த முதல் பதிப்பேடு உள்ளது.^[1]. பின்பு, 2014 ஆம் ஆண்டு தாவரவியல் ஆய்வாளர்களால், இத்தாவரம் மல்லிப் பேரினத்தில் இருந்து, மஞ்ச மல்லிப் பேரினத்திற்கு (Jasminum--> Chrysojasminum) மாற்றப்பட்டது.^[2]^[3] இந்த மஞ்ச மல்லிப் பேரினம், பன்னாட்டு பூக்கும் தாவர மரபுநெறிமுறை குழுமத்தின் (APG IV) நான்காவது பதிப்பின் படி^[4], முல்லைக் குடும்பத்திலுள்ள 29 பேரினங்களில்^[5] ஒன்றாக இடம் பெற்றுள்ளது. தோட்டங்களுக்குரிய பல பயிரிடும் வகைகள் உருவாக்கப்பட்டன. இதற்காக ஓரினத்திற்கு(J. reevesii ) , விருதும் ^{[கு 1]} வழங்கப்பட்டது ^[6]^[7] இதன் இப்போதைய தாவரவியல் பெயர் , Jasminum humile என்பதில் இருந்து, Chrysojasminum humile என மாற்றியமைக்கப் பட்டது.

வளரியல்பு

2.5–4 m (8–13 அடி) உயரம் வளரும்; 3 m (10 அடி) அகலம் பரந்து இருக்கும். இவற்றின் தண்டு வட்ட வடிவிலும், தடித்தும் அமைந்து செடி பருத்து காணப்படும். இலைகள் அடர் பச்சை நிறமாகவும், ஏறத்தாழ 5 செ.மீ நீளமாகவும், 5-7 இலைத்தாளையும் கொண்டிருக்கும். பனிக்காலங்களில் இதன் மொட்டுகள் உறைந்தும் இருக்கும். கோடை, இளவேனிற் காலங்களில் இதன் பூக்கள் மலரும் இயல்புடையது. ஏறத்தாழ ஆறு பூக்கள் ஒன்றாக பூச்செண்டு போல தோற்றமளிக்கும்.^[8]^[9]^[10]