தஞ்சாவூர் லெட்சத்தோப்பு ஜெயவீர ஆஞ்சநேயர் கோயில்

தஞ்சாவூர் லெட்சத்தோப்பு ஜெயவீர ஆஞ்சநேயர் கோயில், தமிழ்நாடு, தஞ்சாவூர் மாவட்டம், தஞ்சாவூரில் உள்ள ஆஞ்சநேயர் கோயில்களில் ஒன்றாகும்.

இக்கோயில் தஞ்சாவூர் மருத்துவக்கல்லூரி சாலையில் மருத்துவக்கல்லூரிக்கு அருகில் அமைந்துள்ளது.

தஞ்சாவூர் அரண்மனை தேவஸ்தானத்திற்கு உட்பட்ட 88 கோயில்களில் இக்கோயிலும் ஒன்றாகும். ^{[1] [2]}

சுமார் நான்கு அடி உயரமுள்ள மூலவரான ஜெயவீர ஆஞ்சநேயர் கம்பீரமாக வடக்கு நோக்கி செல்பவர் போல அமைக்கப்பட்டுள்ளார். அவரின் இரு திருப்பாதங்களில் பாதஜலகாவும், தண்டையும் காணப்படுகின்றன. வரது ஓரத்தில் அழகிய கத்தி உறையுடன் காணப்படுகிறது. இடது கரம் தாமரைத் தண்டை பிடித்த நிலையில் உள்ளது. பரந்த மார்பில் மணி மாலையும் முப்புரி நூலும் காணப்படுகின்றன. காதில் குண்டலம் காணப்படுகிறது. ^[3] மூலவர் சன்னதிக்கு வலப்புறம் துளசி மாடம் உள்ளது.

25 நவம்பர் 1968இலும், அடுத்து 26 சூன் 2013இலும் குடமுழுக்கு நடைபெற்றுள்ளது. ^[3]