2023 திரிபுரா சட்டமன்றத் தேர்தல்

2023 திரிபுரா சட்டமன்றத் தேர்தல்
திரிபுரா சட்டப்பேரவையில் 60 இடங்கள்; அதிகபட்சமாக 31 தொகுதிகள் தேவைப்படுகிறது
வாக்களித்தோர்	89.95% ▼ 1.43pp
	தேர்தலுக்குப் பிந்தைய திரிபுரா சட்டமன்றம்
முந்தைய முதலமைச்சர்; மாணிக் சாகா; பா.ஜ.க	முதலமைச்சர் தேர்தலுக்குப் பின் ; மாணிக் சாகா; பா.ஜ.க

2023 திரிபுரா சட்டமன்றத் தேர்தல் (2023 Tripura Legislative Assembly election) 60 உறுப்பினர்கள் கொண்ட திரிபுரா சட்டமன்றத்திற்கு தேர்தல் நடைப்பெற்றது.தற்போது பாரதிய ஜனதா கட்சியின் மாணிக் சாகா தலைமையில் தேசிய ஜனநாயகக் கூட்டணி ஆட்சி நடைபெறுகிறது.

மொத்தமுள்ள 60 தொகுதிகளுக்கான வாக்குகள் 2 மார்ச் 2023 அன்று எண்ணப்பட்டது. பாரதிய ஜனதா கட்சி 32 தொகுதிகளில் வென்று மீண்டும் ஆட்சி அமைக்கிறது.

பின்னணி

திரிபுரா சட்டமன்றத்தின் பதவிக் காலம் 22 மார்ச் 2023 அன்று முடிவடைய உள்ளது.^[2] 2018 திரிபுரா சட்டமன்றத் தேர்தலில் பெரும்பான்மையான தொகுதிகளில் வென்ற பாரதிய ஜனதா கட்சியின் சட்டமன்றக் குழுவின் தலைவர் பிப்லப் குமார் தேவ் தலைமையில் கூட்டணி ஆட்சி அமைத்தது.^[3]

14 மே 2022 அன்று பிப்லப் குமார் தேவ் முதலமைச்சார் பதவியிலிருந்து விலகினார்.^[4]மாணிக் சாகா புதிய முதலமைச்சராக பதவியேற்றார்.^[5]

தற்போதைய அரசியல் நிலை

2022ல் தேசிய ஜனநாயகக் கூட்டணியில் உள்ள 7 சட்டமன்ற உறுப்பினர்களில் பாரதிய ஜனதா கட்சியின் 4 சட்டமன்ற உறுப்பினர்களும், திரிபுரா பூர்வகுடி மக்கள் முன்னணியின் 3 சட்டமன்ற உறுப்பினர்களும் பதவி விலகினர். அதில் நால்வர் திரிபுரா பூர்வகுடிகள் முன்னேற்ற மண்டலக் கூட்டணியிலும் (Tipraha Indigenous Progressive Regional Alliance); இருவர் இந்திய தேசிய காங்கிரசு கட்சியிலும்; ஒருவர் அகில இந்திய திரிணாமுல் காங்கிரசு கட்சியிலும் இணைந்தனர்.^[6]^[7]

8 மார்ச் 2023 அன்று தற்போதைய முதலமைச்சர் மாணிக் சாகா திரிபுரா மாநிலத்தில் இரண்டாவது முறையாக முதலமைச்சராக பதவியேற்க உள்ளார்.^[8]

தேர்தல் அட்டவணை

தேர்தல் நிகழ்வு	அட்டவணை
வேட்பு மனு தாக்கல் - இறுதி நாள்	30 சனவரி 2023
வேட்பு மனு பரிசீலனை	31 சனவரி 2023
வேட்பு மனு திரும்பப் பெறல் - இறுதிநாள்	2 பிப்ரவரி 2023
தேர்தல் நாள்	16 பிப்ரவரி 2023
வாக்கு எண்ணிக்கை நாள்	2 மார்ச் 2023

தேர்தல் முடிவுகள்

60 தொகுதிகளுக்கான வாக்கு எண்ணிக்கை 2 மார்ச் 2023 அன்று நடத்தப்பட்டு முடிவுகள் அறிவிக்கப்பட்டது. இதில் தேசிய ஜனநாயகக் கூட்டணி சார்பில் பாரதிய ஜனதா கட்சி ஆட்சி அமைக்கும் அளவிற்கு 32 தொகுதிகளையும், அதன் கூட்டணி கட்சியான திரிபுரா பூர்வகுடி மக்கள் முன்னணி 1 தொகுதியையும் வென்றுள்ளது. மதச்சார்பற்ற ஜனநாயகக் கூட்டணியில் மார்க்சிஸ் கட்சி 11 தொகுதிகளையும், [[இந்திய தேசிய காங்கிரசு 3 தொகுதிகளை வென்றுள்ளது. தனித்து களம் கண்ட புதிய கட்சியான திரிபுரா பூர்வகுடிகள் முன்னேற்ற மண்டலக் கூட்டணி 13 தொகுதிகளைக் கைப்பற்றியது.^[9]

8 மார்ச் 2023 அன்று தற்போதைய முதலமைச்சர் மாணிக் சாகா திரிபுரா மாநிலத்தில் இரண்டாவது முறையாக முதலமைச்சராக பதவியேற்க உள்ளார்.^[10]

கூட்டணி		கட்சி		வாக்குகள் %			தொகுதிகள்
கூட்டணி		கட்சி		வாக்குகள்	%	± கூடுதல்/குறைவு	போட்டியிட்ட தொகுதிகள்	வெற்றி பெற்ற தொகுதிகள்	+/−
	தேசிய ஜனநாயக கூட்டணி		பாரதிய ஜனதா கட்சி	9,85,797	38.97	வீழ்ச்சி 4.62	54	32	வீழ்ச்சி 4
			திரிபுரா பூர்வகுடி மக்கள் முன்னணி	31,838	1.26	வீழ்ச்சி 6.12	6	1	வீழ்ச்சி 7
			மொத்தம்	10,17,635	40.23	வீழ்ச்சி 10.78	60^[a]	33	வீழ்ச்சி 11
	மதச்சார்பற்ற ஜனநாயகக் கூட்டணி		மார்க்சிஸ்ட் கட்சி	6,22,829	24.62	வீழ்ச்சி 17.6	43	11	வீழ்ச்சி 5
			இந்திய தேசிய காங்கிரசு	2,16,637	8.56	எழுச்சி 6.77	13	3	எழுச்சி 3
			அனைத்திந்திய பார்வார்டு பிளாக்கு	26,138	1.03	எழுச்சி 0.47	1	0	மாற்றமில்லை
			புரட்சிகர சோசலிசக் கட்சி	17,007	0.67	வீழ்ச்சி 0.08	1	0	மாற்றமில்லை
			சுயேச்சைகள்	16,558	0.65	N/A	1	0	N/A
			இந்தியப் பொதுவுடமைக் கட்சி	12,063	0.48	வீழ்ச்சி 0.34	1	0	மாற்றமில்லை
			மொத்தம்	9,11,232	36.06	வீழ்ச்சி 10.08	60	14	வீழ்ச்சி 2
கூட்டணி இல்லை			திப்ரா மோதா கட்சி	TBD	TBD	TBD	42	13	எழுச்சி 13
			அகில இந்திய திரிணாமுல் காங்கிரசு	22,316	TBD	TBD	28	0	மாற்றமில்லை
			சுயேச்சைகள்	TBD	TBD	TBD		0	மாற்றமில்லை
			பிறர்	TBD	TBD	TBD		0	மாற்றமில்லை
			நோட்டா	34,449	TBD	TBD
		மொத்தம்			100%

செல்லாத வாக்குகள்
செல்லாத வாக்குகள்
மொத்த வாக்குகள்
Abstentions
பதிவான வாக்குகள்