பிவானி மகேந்திரகர் மக்களவைத் தொகுதி (Bhiwani–Mahendragarh Lok Sabha constituency) என்பது வட இந்தியா மாநிலமான அரியானாவில் உள்ள பத்து மக்களவைத் தொகுதிகளில் ஒன்றாகும். 2002ஆம் ஆண்டில் அமைக்கப்பட்ட இந்திய எல்லை நிர்ணய ஆணையத்தின் பரிந்துரைகளை அமல்படுத்துவதன் ஒரு பகுதியாக இந்தத் தொகுதி 2008ஆம் ஆண்டு முதல் நடைமுறைக்கு வந்தது.
முன்னர் மகேந்திரகர் மக்களவைத் தொகுதியின் அடேலி, மகேந்திரகர், நர்ணால் மற்றும் நங்கல் சவுத்ரி ஆகிய நான்கு சட்டமன்றத் தொகுதிகளையும், முந்தைய பிவானி மற்றும் சர்க்கி தாத்ரி மக்களவைத் தொகுதியின் லோகாரு, பத்ரா, தாத்ரி, பிவானி, தோசம் ஆகிய ஐந்து சட்டமன்றத் தொகுதிகளையும் இணைப்பதன் மூலம் இந்தத் தொகுதி உருவாக்கப்பட்டது.[1] இந்தத் தொகுதி பிவானி மாவட்டத்தின் பெரும்பகுதியையும், மகேந்திரகர் மாவட்டம் முழுவதையும் உள்ளடக்கியது.
