Ингрида Шимоните

Ингрида Шимоните
Ингрида Шимоните
Литва премьер-министры
	Вазыйфада
	Вазыйфага керешкән ; 2020 елның 11 декабре
Президент	Гитанас Науседа
Аңа кадәр	Саулюс Сквернялис
Литва Сеймы депутаты
	Вазыйфада
	Вазыйфага керешкән ; 2016 елның 17 ноябре
Литва финанс министры
	Вазыйфада; 2009 елның 7 июле – 2012 елның 13 декабре
Аңа кадәр	Альгирдас Шемета
Дәвамчысы	Римантас Шаджюс
Шәхси мәгълүмат
Туган	15 ноябрь 1974 (50 яшь); СССР, Литва ССР, Вильнюс
Сәяси фирка	Ватан берлеге
Белем	Вильнюс университеты; Швеция икътисад мәктәбе

Ингрида Шимоните (литв. Ingrida Šimonytė, 1974 елның 15 ноябре, СССР, Литва ССР, Вильнюс) — Литва сәясәт һәм дәүләт эшлеклесе, 2020 елның 11 декабреннән Литва премьер-министры. 2009—2012 елларда Литва финанс министры. 2009 елгы сайлауларда «Ватан берлеге — Литва христиан демократлары» фиркасеннән Литва президентлыгына кандидат булган.

Тәрҗемәи хәле

1974 елның 15 ноябрендә Вильнюста туган. Вильнюс университетының(рус.)татар. икътисад факультетын «бизнес-идарә итү» өлкәсендә бакалавр дәрәҗәсе белән тәмамлаган (1996), МВА дәрәҗәсен Швеция икътисад мәктәбендә алган.

1997—2001 елларда Литва финанслар министрлыгының салым бүлегендә эшли. 2004—2009 елларда — финанс министрлыгы секретаре. 2013 елда Литва банкының идарә рәисе урынбасары итеп билгеләнә. Вазыйфаи бурычларны башкару белән беррәттән Халыкара мөнәсәбәтләр һәм сәяси фәннәр институтында икътисадны, шулай ук ISM менеджмент һәм икътисад университетында дәүләт финансларын укыта. Вильнюста Антакальнис(рус.)татар. районы сайлау округы буенча Сейм депутаты итеп сайлану сәбәпле, 2016 елның 31 октябрендә отставкага китә.

2018 елның 4 ноябрендә Ватан берлеге — Литва христиан демократлары(ингл.)татар. партиясеннән 2019 елда Литва Президентын сайлауда кандидатлар праймеризында көндәше дипломат Вигаудас Ушацкасны(рус.)татар. узып, 78,71 % нәтиҗә белән җиңү яулый.

Baltijos tyrimai компаниясе 2018 елның 9—26 ноябрендә үткәргән сораштыру нәтиҗәләре буенча, Шимонитеның Президент рейтингы 18,7 % тәшкил итә һәм үсә бара. Әмма ул 23,2 % нәтиҗәсе булган Гитанас Науседадан калыша^[1].

2020 елның октябрендә парламент сайлауларында Шимоните җитәкләгән «Ватан берлеге — Литва христиан демократлары» партиясе җиңгәннән соң, 2020 елның 25 ноябрендә Литва президенты Гитанас Науседа үзенең (шул ук көнне үз көченә кергән) указы белән Ингрида Шимонитены Литва премьер-министры итеп билгели^[2].