Хәниф Хәйруллин исемендәге премия

Хәниф Хәйруллин исемендәге премия
Ил	Татарстан
Төр	премия
Статусы	{{{статусы}}}
статистика
Булдыру датасы	{{{булдыру датасы}}}
Юкка чыгару датасы	гамәлдә

Хәниф Хәйруллин исемендәге премия (рус. Премия имени Ханифа Хайруллина) — 2019 елда Сарман районында «Татмедиа» АҖ «Сарман» мәгълүмат-мөхәррият үзәге тарафыннан булдырылган журналистика һәм публицистика өлкәсендәге премия. 2023 елдан район күләмендә тапшырыла^[1].

Максаты

Төп мәкалә: Хәниф Хәйруллин

ССРБ язучылар берлеге әгъзасы (1974 елдан), журналист, ТАССР атказанган мәдәният хезмәткәре (1981), Сарман районында чыгучы «Ленинчы» (хәзерге «Сарман») гәҗитенең һ. б. район гәҗитләренең 1956—1993 еллардагы җаваплы сәркатибе Хәниф Гыйздулла улы Хәйруллин (1931—1998) исемен мәңгеләштерү максатыннан булдырылган.

Журналистика һәм публицистика өлкәсендә яңа талантларны барлауга ярдәм итү.

Нигезләмә

Премияләр «Сарман» мәгълүмат-мөхәррият үзәге белән тыгыз элемтәдә булып, «Сарман» һәм «Новый Сарман» газеталары битләрендә даими бастырылып килә торган һәм иң кызыклы дип табылган язмалар авторларына тапшырыла.
Җиңүчеләр өч яшь категориясендә — өлкән, урта буын һәм яшьләр арасында сайлап алына.
Бүләкләр Татарстан матбугаты көнендә тапшырыла.

Статус

Диплом белән раслана.
Акчалата бүләк бирелә.

Хәниф Хәйруллин исемендәге премия милли мәдәният, әдәбият һәм сәнгать (рәсем сәнгате, музыка, театр, декоратив-гамәли) үсешенә зур өлеш керткән, югары дәрәҗәдәге һөнәри осталык белән аерылып торган, автор стиленең үзенчәлегенә, яңалыкка һәм оригинальлеккә ия булган гражданнарның күренекле казанышларын тану максатында бирелә. Кандидатларны тәкъдим итү 1 августтан башлана һәм 1 сентябрьгә кадәр дәвам итә. Конкурска нәтиҗә 12 сентябрьдә үткәрелә^[1].

Иганәче булып, Хәниф Хәйруллинның улы Ленар Хәйруллин катнаша.

Премия лауреатлары

2019 ел нәтиҗәләре буенча

Клара Вәлишина, хәбәрче (Сарман)
Ландыш Шәйдуллина, укытучы, хәбәрче (Җәлил)
Илназ Дәүләтбаев, мәгариф бүлеге белгече (Сарман)

2020 ел нәтиҗәләре буенча

2021 ел нәтиҗәләре буенча

Вәсимә Хәйруллина, шагыйрә (Чураш)
Алсу Ситдикова, «Юл хәрәкәте иминлеге» ДУ район филиалы начальнигы (Сарман)
Азалак мәктәбе коллективы ^[2]

2023 ел нәтиҗәләре буенча

әдәбият өлкәсендә премия

Равил Мөбәрәк улы Гыймадиевка (1938 елгы), СССР Журналистлар берлеге әгъзасы (1970), Хәниф Хәйруллинның укучысы, Х. Хәйруллинның әдәбият әсәрләрен бастыруга зур өлеш керткән.

туган якны саклау һәм өйрәнү өлкәсендә премия

«Яхшы Каран ― таллы бишегем...» тарихи-публицистик басмасының редакция коллегиясенә (Назыйфа Әлмөхәммәтова, Зөлайха Ямаева, Фәүзия Гыйздетдинова, Ильмира Шәйдуллина, Розалия Гыйниятуллина, Альбина Фәтхетдинова).