Івашынавічы

Івашынавічы
Краіна	Беларусь
Вобласць	Мінская
Раён	Вілейскі
Сельсавет	Крывасельскі
Каардынаты	54°33′36″ пн. ш. 27°07′13″ у. д.HGЯO
Насельніцтва	▼16 чал. (2019);
Часавы пояс	UTC+3
Тэлефонны код	+375 1771
Паштовыя індэксы	222429
Аўтамабільны код	5
СААТА	6213860024
	Івашынавічы на Вікісховішчы

Івашы́навічы^[1] (трансліт.: Ivašynavičy, руск.: Ивашиновичи) — вёска ў Вілейскім раёне Мінскай вобласці. Уваходзіць у склад Крывасельскага сельсавета.

Геаграфія

Размешчана за 21 км на паўночны ўсход ад г. Вілейка, 13 км ад чыг. ст. Княгінін на лініі Маладзечна—Полацк, 124 км ад Мінска, на аўтадарозе Івашынавічы—Рэчкі. Ля вёскі знаходзіцца максімальная адзнака вышыні (223 м) Вілейскага раёна.

Гісторыя

У 1765 годзе вёска ў Вілейскім старостве Ашмянскага павета ВКЛ, 9 двароў.

Пасля 2-га падзелу Рэчы Паспалітай (1793) у Расійскай імперыі. У 1800 годзе ў Вілейскім павеце Мінскай губерні, уласнасць І. Куранецкага. У 1895 года ў Віленскай губерні, адкрыта школа граматы. У 1897 годзе вёска (27 двароў, 244 жыхары, царква) і сядзіба (2 двары, 15 жыхароў) у Рабунскай воласці Вілейскага павета Віленскай губерні.

З 1921 года вёска і фальварак у складзе Польскай Рэспублікі, Віленскага ваяводства, Вілейскага павета, гміны Касцяневічы^[2].

З лістапада 1939 года ў БССР, з 15 студзеня 1940 года ў Куранецкім раёне Вілейскай вобласці, з 12 кастрычніка 1940 года ў Куранецкім сельсавеце. З 25 чэрвеня 1941 да 4 ліпеня 1944 года акупіраваны нацыстамі. З фронтоў Вялікай Айчыннай вайны не вярнулася 8 жыхароў.

З 20 верасня 1944 года ў Куранецкім, з 4 ліпеня 1946 года ў Вілейскім раёнах Маладзечанскай вобласці. 21 чэрвеня 1949 года створаны калгас імя Сталіна. З 16 чэрвеня 1954 года да 18 мая 1959 года вёска ўваходзіла ў склад Рэчкаўскага сельсавета^[3], затым да 28 мая 2013 года — у склад Касцяневіцкага сельсавета^[4]. З 20 студзеня 1960 года ў Мінскай вобласці. Землі знаходзіліся ў складзе калгаса «Зара», працаваў магазін.

Насельніцтва

1800 год — 102 жыхары, 13 двароў.
1908 год — 278 жыхароў.
1931 год — 286 жыхароў, 48 двароў^[5].
1960 год — 255 жыхароў.
1988 год — 98 жыхароў, 51 двор.
2008 год — 21 жыхар, 13 гаспадарак.
2019 год — 16 чал.

Славутасці

Капліца могілкавая, 1938 г.

Крыніцы

↑ Назвы населеных пунктаў Рэспублікі Беларусь: Мінская вобласць: нарматыўны даведнік / І. А. Гапоненка, І. Л. Капылоў, В. П. Лемцюгова і інш.; пад рэд. В. П. Лемцюговай. — Мн.: Тэхналогія, 2003. — 604 с. ISBN 985-458-054-7. (DJVU)
↑ Wykaz miejscowości Rzeczypospolitej Polskiej, Warszawa 1938, wolumin — 1, s. 58.
↑ Рашэнне выканкома Маладзечанскага абласнога Савета дэпутатаў працоўных ад 18 мая 1959 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1959, № 5.
↑ Решение Минского областного Совета депутатов от 28 мая 2013 г. № 234 Об изменении административно-территориального устройства районов Минской области Архівавана 31 сакавіка 2016.
↑ Wykaz miejscowości Rzeczypospolitej Polskiej, Warszawa 1938, wolumin — 1, s. 62