Ілья Генадзевіч Багдановіч

Ілья Багдановіч
Поўнае імя	Ілья Генадзевіч Багдановіч
Нарадзіўся	30 студзеня 2004(2004-01-30)[1] (21 год) Баранавічы, Брэсцкая вобласць, Беларусь[1]
Грамадзянства	Беларусь
Пазіцыя	абаронца
Інфармацыя пра клуб
Клуб	Белшына
Нумар	77
Маладзёжныя клубы
2017—2020 Дынама (Брэст)
Клубная кар’ера[* 1]
2021—2022 Рух (Брэст) 0 (0) 2022— Дынама (Брэст) 6 (0) 2024— →  Белшына (Бабруйск)
Нацыянальная зборная[* 2]
2023— Беларусь (да 21) 1 (0)
↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 6 жніўня 2024. ↑ Колькасць гульняў і галоў за нацыянальную зборную ў афіцыйных матчах, адкарэктавана станам на 23 лістапада 2023

Ілья Багдановіч (нар. 30 студзеня 2004, Баранавічы) — беларускі футбаліст, абаронца бабруйскай «Белшыны» (у арэндзе з брэсцкага «Дынама») і моладзевай зборнай Беларусі.

У 2017 годзе далучыўся да акадэміі брэсцкага «Дынама», гуляў за юнацкія каманды клуба. У пачатку 2021 года разам з акадэміяй дынамаўцаў перайшоў у брэсцкі «Рух», дзе стаў выступаць за дубль. У пачатку 2022 года «Рух» зняўся з чэмпіянату Беларусі, але абаронца працягваў выступаць за каманду клуба ў юнацкім першынстве.

У ліпені 2022 года падпісаў двухгадовы кантракт з брэсцкім «Дынама»^[2], дзе таксама стаў гуляць за дубль. 2 верасня 2022 года дэбютаваў у Вышэйшай лізе, выйшаўшы на замену ў канцы сустрэчы з «Мінскам» (3:1). У далейшым у асноўнай камандзе толькі заставаўся на лаўцы запасных.

У студзені 2023 года падпісаў новае двухгадовае пагадненне з «Дынама»^[3]. У ліпені 2024 года быў аддадзены ў арэнду ў бабруйскую «Белшыну»^[4].

15 лістапада 2023 года дэбютаваў у моладзевай зборнай Беларусі, адгуляўшы другі тайм таварыскага матча супраць Расіі (1:3).