ІнтэрПэйБанк

ЗАТ «ІнтэрПэйБанк»
ЗАТ «ІнтэрПэйБанк»
Тып	ЗАТ
Заснаванне	2001
Скасавана	9 кастрычніка 2017
Краіна	Беларусь;
Размяшчэнне	Беларусь 220068, г. Мінск, вул. Някрасава, 114
Ключавыя постаці	старшыня праўлення Уладзімір Драгун
Галіна	Банкаўская сфера
Прадукцыя	банкаўскія паслугі
Абарот	▲24 365 млн рублёў (2009 год; 8 691 тыс $)
Аперацыйны прыбытак	▼11 999 млн рублёў (2009 год; 4 280 тыс $)
Чысты прыбытак	▲8 944 млн рублёў (2009 год; 3 191 тыс $)
Колькасць супрацоўнікаў	>100
Аўдытар	«КПМГ»
Матчына кампанія	«Альянс Ипотека»
Сайт	www.ipaybank.by

Закрытае акцыянернае таварыства «ІнтэрПэйБанк» — былы камерцыйны банк у Рэспубліцы Беларусь. Статутны фонд — 150 млрд. руб. (2013)^[4]. Асноўнымі акцыянерамі з’яўляліся ААТ «Альянс Іпатэка» (Расійская Федэрацыя) — 79,1% акцый, ЗАТ «СтарБанк» (Расійская Федэрацыя) — 19,72% акцый, ЗТАА «СЭНТЭКIНВЕСТ» (Рэспубліка Беларусь) — 1,18% акцый.

Рэквізіты

Найменне банка:

бел.: Закрытае акцыянернае таварыства «ІнтэрПэйБанк» (скарочана ЗАТ «ІнтэрПэйБанк»)
руск.: Закрытое акционерное общество «ИнтерПэйБанк» (скарочана ЗАО «ИнтерПэйБанк»)
англ.: Joint-stock company «InterPayBank» (скарочана JSC «InterPayBank»)

МФА 153001273, УНП 807000030, АКПА 37560001.

S.W.I.F.T.: IPBKBY2X

Тэлекс: 252100 IPBK BY^[5].

Ліцэнзія на правядзенне банкаўскай дзейнасці №19 выдадзеная 29 снежня 2008 года Нацыянальным банкам РБ.

Дзейнасць

З’яўляўся членам:

Асацыяцыі беларускіх банкаў;
паўнапраўным членам Банкаўскай асацыяцыі краін Цэнтральнай і Усходняй Еўропы (англ.: Banking Association for Central and Eastern Europe);
Міжнароднай аплатнай сістэмы Visa International;
Супольнасці сусветных міжбанкаўскіх фінансавых тэлекамунікацый;
Адкрытага акцыянернага таварыства «Беларуская валютна-фондавая біржа»;
Сістэмы «Разлік» — аўтаматызаванай інфармацыйнай сістэмы адзінай разліковай і інфармацыйнай прасторы (АІС АРІП)^[6].

Меў аддзяленні ў Бабруйску, Гродне і Мінску^[7].

8 мая 2015 года Нацыянальны банк Беларусі адклікаў ліцэнзію на ажыццяўленне банкаўскай дзейнасці ў ЗАТ «ІнтэрПэйБанк»^[8].

Гісторыя

Банк паўстаў у верасні 2001 года ў свабоднай эканамічнай зоне «Мінск» пад назвай «Паўночны Інвестыцыйны Банк»^[9].

13 лютага 2007 года асноўным акцыянерам стаў Vicpart Holding SA (Швейцарыя)^[6], у сувязі з чым адбылася змена назвы банка на ЗАТ «Крэдэксбанк»^[10], а таксама быў праведзены рэбрэндынг і змена стратэгічнай праграмы развіцця.

22 студзеня 2013 года адбылася змена назвы банка на ЗАТ «ІнтэрПэйБанк»^[11] у сувязі з адмовай асноўнага акцыянера Vicpart Holding SA ад працягу дзейнасці на тэрыторыі Рэспублікі Беларусь^[12].

Ліквідацыя

8 мая 2015 года была скасавана банкаўская ліцэнзія^[13]. Пазачарговым агульным сходам акцыянераў ЗАТ «ІнтэрПэйБанк» ад 27 мая 2015 прынята рашэнне аб яго ліквідацыі. Пастановай Праўлення НБ РБ ад 29 мая 2015 банку прадастаўлена згода на ліквідацыю^[14].