Альберт Фёдаравіч Трафімаў

Альберт Фёдаравіч Трафі́маў^[4] (нар. 25 лістапада 1936^[4], г. Барысаў, Мінская вобласць — 21 снежня 2024^[5]) — беларускі вучоны ў галіне ветэрынарыі. Член-карэспандэнт Нацыянальнай акадэміі навук Беларусі (2003), член-карэспандэнт Акадэміі аграрных навук Рэспублікі Беларусь (1996—2002). Доктар ветэрынарных навук (1988), прафесар (1991).

Скончыў Віцебскі ветэрынарны інстытут (1960).

З 1963 года галоўны ветэрынарны ўрач эксперыментальнай базы «Зарэчча» Смалявіцкага раёна. З 1975 года малодшы навуковы супрацоўнік, з 1978 года старшы навуковы супрацоўнік, у 1988—1995 гадах загадчык аддзела^[4], у 1995—1998 гадах намеснік дырэктара^[4], з 2002 года галоўны навуковы супрацоўнік Інстытута жывёлагадоўлі Нацыянальнай акадэміі навук Беларусі. З 2006 года галоўны навуковы супрацоўнік Навукова-практычнага цэнтра Нацыянальнай акадэміі навук Беларусі па жывёлагадоўлі^[6].

Навуковыя працы ў галіне ветэрынарнай санітарыі, заагігіены і тэхналогіі вытворчасці прадуктаў жывёлагадоўлі. Выканаў асноўныя работы па тэарэтычнаму абгрунтаванню сістэм і спосабаў ўтрымання жывёл на фермах і комплексах, энерга- і рэсурсазберагальных тэхналогій вытворчасці малака і вырошчвання рамонтнага маладняку. Распрацаваў параметры рэканструкцыі малочна-таварных ферм, нормы тэхналагічнага праектавання для будаўніцтва і рэканструкцыі жывёлагадоўчых ферм. Адзін з аўтараў Рэспубліканскай комплекснай праграмы павышэння эфектыўнасці вытворчасці малака, праграмы па комплекснай ацэнцы тэхналогіі вядзення жывёлагадоўлі з мэтай яе аптымізацыі, зніжэння сабекошту вытворчасці прадукцыі ў гаспадарках Брагінскага, Хойніцкага і іншых раёнаў Гомельскай і Магілёўскай абласцей, праграмы па адпрацоўцы сістэмы безпрывязнага ўтрымання жывёл і даеннем у даільнай зале, праграмы гігіенічных і тэхналагічных мерапрыемстваў, якія забяспечваюць зніжэнне экалагічнага ціску на навакольнае асяроддзе.

Аўтар больш за 300 работ, у тым ліку 7 манаграфій, 2 падручнікаў, 13 аўтарскіх пасведчанняў і патэнтаў.

• Содержание коров на фермах и комплексах. — Минск: Ураджай, 1985 (разам з С. І. Пляшчанка).
• Получение и выращивание здоровых телят. — Минск: Ураджай, 1990 (совм. с С. И. Плященко, В. Т. Сидоровым).
• Реконструкция животноводческих помещений. — Молодечно, 2001 (совм. с В. Н. Тимошенко).
• Выращивание молодняка крупного рогатого скота. — Витебск: ВГАВМ, 2005. (в соавт.).
• Вода… и животные: учеб. пособие для вузов. — Минск: Экоперспектива, 2007. (совм. с И. В. Брыло, Н. А. Садомовым).
• Научное обоснование и практическая реализация технологических приемов выращивания ремонтного молодняка крупного рогатого скота. — Витебск: ВГАВМ, 2011. (совм. с А. А. Музыкой, В. Н. Минаковым).
• Гигиена воды: учеб.-метод. пособие. — Минск: Экоперспектива, 2012. (совм. с [Н. А. Садомовым, И. В. Брыло).
• Рекомендации по выращиванию молодняка крупного рогатого скота на откорме в помещениях облегченного типа для производства конкурентоспособной говядины. — Жодино: НПЦ НАН Беларуси по животноводству, 2014. (в соавт.).
• Выращивание молодняка крупного рогатого скота для производства продуктов детского и диетического питания на промышленных комплексах : [рекомендации]. — Жодино: НПЦ НАН Беларуси по животноводству, 2015. (в соавт.).

• Трафі́маў Альберт Фёдаравіч // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 520. — 10 000 экз. — ISBN 985-11-0035-8. — ISBN 985-11-0251-2 (т. 15).
• Республика Беларусь: Энциклопедия в 7 т. Т. 7: Снегирь ― Ящерицын / редкол.: Г. П. Пашков и др. — Минск: БелЭн, 2008. — 744 с.: ил. — ISBN 978-985-11-0421-1.  — С. 269.

• Трафімаў Альберт Фёдаравіч // Сайт НАНБ
• Портной А. И. Известному учёному в области зоотехнической науки — 85 (руск.) // Сайт БДСГА
• Светлана Адамович Юбилей замечательного учёного в области ветеринарии (руск.) // Газета «Навука», 28.11.2016 / № 48 (2619). — С. 6.
• Трофимов Альберт Фёдорович // База патентов Беларуси (руск.)
• Банк патентов РФ на изобретения и промышленные образцы ФИПС Роспатента (руск.)