Андрэй Аляксандравіч Жданаў

Андрэй Аляксандравіч Жданаў
руск.: Андрей Жданов
Род дзейнасці	палітык, ваенны
Дата нараджэння	14 (26) лютага 1896
Месца нараджэння	Марыупаль, Марыупальскі павет[d], Кацярынаслаўская губерня, Расійская імперыя[1]
Дата смерці	31 жніўня 1948(1948-08-31)[2][3][…] (52 гады)
Месца смерці	Dolgiye Borody[d], Dolgiye Borody[d], Q4398865?, Валдайскі раён, Наўгародская вобласць, РСФСР, СССР[4] або Масква, РСФСР, СССР[5]
Месца пахавання	Некропаль каля Крамлёўскай сцяны
Грамадзянства	СССР
Бацька	Aleksandr Zhdanov[d]
Маці	Ekaterina Zhdanova[d]
Жонка	Zinaida Zhdanova[d]
Дзеці	Юрый Андрэевіч Жданаў[d]
Партыя	Камуністычная партыя Савецкага Саюза РСДРП(б)[d]
Член у	Палітбюро ЦК КПСС Усерасійскі цэнтральны выканаўчы камітэт Таварыства старых бальшавікоў
Прыналежнасць	СССР
Бітвы/войны	савецка-фінляндская вайна Вялікая Айчынная вайна Бітва за Ленінград
Узнагароды і прэміі
Медыяфайлы на Вікісховішчы

Андрэй Аляксандравіч Жданаў (14(26).2.1896, Марыупаль — 31 жніўня 1948, Масква) — савецкі дзяржаўны і партыйны дзеяч.

Нарадзіўся ў сям’і інспектара народных вучылішч.

Скончыў рэальнае вучылішча. У рэвалюцыйным руху з 1912 года. У 1916 годзе — член Цвярскога камітэта РСДРП. У 1917 года знаходзіўся ў арміі ў 139-м запасным палку ў г. Шадрынску, вёў бальшавіцкую прапаганду сярод салдат. Пасля Лютаўскай рэвалюцыі 1917 года абраны ў палкавы камітэт, а затым старшыня першага Савета ў Шадрынску. Са жніўня 1917 года — старшыня Шадрынскага камітэта РСДРП(б). У 1918—1920 гадах — на палітрабоце ў Чырвонай Арміі на Урале і ў Цверы; быў рэдактарам газеты «Цвярская праўда». З 1922 года — старшыня Цвярскога губвыканкама. У 1924—1934 гадах — сакратар Ніжагародскага губкама партыі, сакратар Горкаўскага крайкама УКП(б). Пасля 17-га з’езда УКП(б) (1934) — сакратар ЦК УКП(б) і адначасова (з снежня 1934) сакратар Ленінградскага абкама і гаркама партыі.

У гады Вялікай Айчыннай вайны ў ліпені — жніўні 1941 года — член Ваеннага савета Паўночна-Заходняга напрамку, у жніўні 1941 — жніўні 1944 года — член Ваеннага савета Ленінградскага фронту. Генерал-палкоўнік з 1944 года. З 1944 года працаваў у Маскве сакратаром ЦК УКП(б), займаўся ідэалагічнымі пытаннямі. Быў дэлегатам 9, 12-18-га з’ездаў партыі.