Вадзім Іванавіч Болбас

Вадзім Іванавіч Болбас
Вадзім Іванавіч Болбас
	; Вадзім Болбас у 2015 годзе.
Асабістыя звесткі
Дата нараджэння	9 лютага 1942 (83 гады)
Месца нараджэння	Казакова, Вішнёўскі сельсавет, Бабруйскі раён, Магілёўская вобласць, БССР, СССР;
Альма-матар	хімічны факультэт БДУ;
Прафесійная дзейнасць
Род дзейнасці	паэт, пісьменнік, перакладчык
Гады творчасці	з 1999
Жанр	паэзія, проза і эсэ
Мова твораў	беларуская
Грамадская дзейнасць
Член у	Саюз беларускіх пісьменнікаў;

Вадзі́м Іва́навіч Бо́лбас (нар. 9 лютага 1942, Казакова, Вішнёўскі сельсавет, Бабруйскі раён, Магілёўская вобласць) — аўтар і перакладчык, сябра Саюзу беларускіх пісьменнікаў (2012). Піша вершы, навелы, эсэ; перакладае вершы з польскай, рускай і ўкраінскай моў.

Біяграфія

Нарадзіўся ў сям’і супрацоўніка райвыканкама і настаўніцы. Жыў з бацькамі пад нямецкай акупацыяй да вызвалення ў 1944 годзе. У 1956 годзе скончыў няпоўную сярэднюю школу ў Вішнёўцы, у 1959 — сярэднюю школу № 16 у Бабруйску.

Пасля заканчэння школы паступіў у Беларускую дзяржаўную сельскагаспадарчую акадэмію (Горкі, Магілёўская вобл.). Правучыўся адзін курс, у 1960 годзе адлічаны па ўласным жаданні і паступіў на хімічны факультэт БДУ, які скончыў у 1965 годзе, кваліфікацыя — хімік. Прайшоў тэрміновую вайсковую службу.

З 1967 года працаваў на светлагорскім вытворчым аб’яднанні «Хімвалакно» на розных пасадах, у тым ліку начальнікам цэха. У 1987 годзе пераведзены ў орган дзяржаўнай прыёмкі прадукцыі на ВА «Хімвалакно». Пазней працаваў кіраўніком аналітычнай лабараторыі пры Светлагорскай раённай інспекцыі прыродных рэсурсаў і аховы навакольнага асяроддзя.

Жыве ў Светлагорску.

Літаратурная дзейнасць

Першая літаратурная публікацыя — эсэ «Мой светлы горад» у газеце «Наша ніва», 1999, № 35^[1]. Пераклаў на беларускую мову шэраг паэтычных твораў А. А. Блока, К. Галчынскага, В. Стуса і іншых. Выдаў два зборнікі прозы і перакладаў прозы, а таксама зборнік перакладаў вершаў I. А. Бродскага. Удзельнічаў у калектыўных выданнях. Творы друкаваліся таксама ў газеце «Сям’я», часопісе «Дзеяслоў». Уваходзіць у рэдакцыйную калегію літаратурнага альманаху «Палац» гомельскага абласнога аддзялення СБП.

Бібліяграфія

Зборнікі

Забытыя прывіды мрояў: Навелы і пераклады. — Мінск: Логвінаў, 2004. — 120 с. — ISBN 985-6701-27-9.
Бродскі, І. Туга і спакой. Раньнія вершы / Пераклады і прадмова В. Болбаса. — Гомель, 2015. — 100 с.
Футбол з шайбай. — Вільня: Логвінаў, 2015. — 96 с. — ISBN 978-609-95632-7-5.

У калектыўных выданнях

Ягамосьць: вершы-прысьвячэньні Анатолю Сысу / укл. С. Сыс. — Мінск: Медысонт, 2009. — 80 с. — (Бібліятэчка часопісу «Дзеяслоў»; вып. 11.) — ISBN 978-985-6887-46-1.
Палац: літаратурны альманах. Гомель. № 1, 2013 / укл. А. Бароўскі, Г. Лапацін. — Мінск: Кнігазбор, 2014. — С. 178—182. — ISBN 978-985-7089-29-1.
У Шацілавічах кажуць… // Палац: літаратурны альманах. Гомель. № 2, 2014 / укл. А. Бароўскі, Г. Лапацін. — Мінск: Кнігазбор, 2014. — С. 108—115. — ISBN 978-985-7119-04-2.

Пераклады ў кнігах

Галчыньскі, К. Сёмае неба: выбраныя творы / укл. А. Хадановіч; прадм. Л. Дранько-Майсюка; пер. з польск.: Л. Баршчэўскі, В. Болбас, Г. Герасіна і інш. — Мінск: Логвінаў, 2006. — 330 с. — ISBN 985-6800-15-3.
Галасы з-за небакраю: анталогія паэзіі свету ў беларускіх перакладах XX стагоддзя / [складальнік] М. Скобла. — Мінск: Лімарыус, 2008. — 895 с., [12] л. іл. — ISBN 978-985-6740-83-4.

У перыядычных выданнях

Сезонныя згадкі // Дзеяслоў. — № 8, 2004, студзень. — С. 77—89.
Трава мэгаполісу // Наша ніва. — 2007. — № 37.

У краязнаўстве

Вайсковыя падзеі на тэрыторыі Светлагорскага раёна ў сярэдзіне XVII стагоддзя // Шацілкаўскія чытанні : матэрыялы ІІ гісторыка-краязнаўчай канферэнцыі (да 450-годдзя Шацілак) у Светлагорску, 16 красавіка 2010 г. / Светлагорскі гіст.-краязн. музей; уклад.: Т. В. Маслюкоў, В. А. Раманцоў. — Светлагорск, 2011. — 90 с., іл. Бібліяграф. у канцы артыкулаў. Рэз. на англ., руск. мовах. — С. 50—52.