Васіль Сцяпанавіч Капітан

Васіль Капітан
Генеральны пракурор Рэспублікі Беларусь 28 лютага 1996 — 12 снежня 1996
Прэзідэнт	Аляксандр Лукашэнка
Кіраўнік урада	Міхаіл Чыгір Сяргей Лінг
Папярэднік	Васіль Шаладонаў
Пераемнік	Алег Бажэлка
Нараджэнне	18 сакавіка 1952(1952-03-18) Ляхавічы, Папінскі сельсавет, Драгічынскі раён, Пінская вобласць, БССР, СССР
Смерць	11 сакавіка 2020(2020-03-11) (67 гадоў)
Адукацыя	БДУ
Ваенная служба
Званне	Дзяржаўны саветнік юстыцыі 3 класа

Васі́ль Сцяпа́навіч Капіта́н (18 сакавіка 1952, в. Ляхавічы Драгічынскага раёна Брэсцкай вобласці, БССР — 11 сакавіка 2020) — Генеральны пракурор Рэспублікі Беларусь (1995—1996), дзяржаўны саветнік юстыцыі 3-га класа^[1].

Нарадзіўся 18 сакавіка 1952 года ў сям’і рабочых. Скончыў Беларускі дзяржаўны ўніверсітэт па спецыяльнасці правазнаўства.

Па заканчэнні ўніверсітэта працаваў на розных пасадах у органах пракуратуры Брэсцкай вобласці.

У 1985 годзе прызначаны намеснікам пракурора Брэсцкай вобласці. Пасля пераведзены ў апарат Пракуратуры Рэспублікі Беларусь, дзе працаваў намеснікам начальніка следчага ўпраўлення, начальнікам упраўлення методыкі і аналізу.

У маі 1995 года прызначаны выконваючым абавязкі Генеральнага пракурора, з 28 лютага 1996 года — Генеральны пракурор Рэспублікі Беларусь. У снежні 1996 сышоў у адстаўку.^[2]

Памёр 11 сакавіка 2020 года^[3].