Войстам (гміна)

Гміна Войстам (польск.: Gmina Wojstom) — колішняя вясковая гміна, якая існавала да 1939 года на тэрыторыі Віленскай зямлі, Віленскага ваяводства (цяпер тэрыторыя Беларусі). Сядзіба размяшчалася ў Войстаме^[1].

Першапачаткова гміна ўваходзіла ў склад Свянцянскага павета ў Віленскай губерні. 7 чэрвеня 1919 года ўвайшла ў склад утворанай пад Грамадзянскім упраўленнем Усходніх зямель Віленскай акругі^[2], якая 9 верасня 1920 перайшла пад кіраўніцтва Упраўлення прыфрантавых і этапных тэрыторый^[3]. У сувязі з узнікненнем Сярэдняй Літвы 9 кастрычніка 1920 гміна разам з большай часткай Свянцянскага павета апынулася ў яе складзе^[4][5]. 13 красавіка 1922 года гміна ўвайшла ў склад польскай Віленскай зямлі^[6], ператворанай 20 студзеня 1926 года ў Віленскае ваяводства^[7].

1 студзеня 1926 года гміна з Свянцянскага павета перададзена ў склад Вілейскага павета таго ж ваяводства^[8]. 1 красавіка 1929 года ў склад гміны перададзены 12 населеных пунктаў з гміны Беніца ў Маладзечанскім павеце^[9]. 1 красавіка 1932 года ў склад гміны Войстам перададзена частка тэрыторыі скасаванай гміны Іжа, а таксама частка (нескасаванай) гміны Вішнева^[10]. У лістападзе 1939 года павет уключаны ў склад БССР, скасаваны 15 студзеня 1940 года разам з гмінамі.

• Wojstom // Słownik geograficzny Królestwa Polskiego i innych krajów słowiańskich. Tom XIII: Warmbrun — Worowo (польск.). — Warszawa, 1893. — S. 761.