Вялікія Князікоўцы

Вялікія Князікоўцы
Краіна	Беларусь
Вобласць	Гродзенская
Раён	Іўеўскі
Сельсавет	Ліпнішкаўскі
Каардынаты	53°57′49″ пн. ш. 25°33′45″ у. д.HGЯO
Колькасць двароў	118
Насельніцтва	268 чалавек (1999)
Часавы пояс	UTC+3
Тэлефонны код	+375 1595
Паштовыя індэксы	231338
Аўтамабільны код	4
	Вялікія Князікоўцы на Вікісховішчы

Вялі́кія Князіко́ўцы^[1] (трансліт.: Vialikija Kniazikoŭcy, руск.: Великие Князиковцы) — вёска ў Іўеўскім раёне Гродзенскай вобласці. Уваходзіць у склад Ліпнішкаўскага сельсавета.

Геаграфія

Знаходзіцца на рацэ Жыжма, за 20 км за паўночны захад ад Іўя. Прыпыначны пункт Князікоўцы на лініі Маладзечна — Ліда

Гісторыя

У другой палове XVII ст. маёнтак у Ашмянскім павеце Віленскага ваяводства. Уласнасць Пацаў. У канцы XVIII — пачатку XIX ст. вёска, 60 двароў.

У канцы XIX ст. маёнтак перастаў існаваць. Памешчыцкія землі былі распрададзены сялянам. У пачатку XX ст. побач з вёскай пракладзена чыгунка Маладзечна — Ліда.

У 1905 г. у складзе Лідскай воласці Лідскага павета Віленскай губерні, 452 жыхары, 641 дзесяціна зямлі. У 1909 г. 84 двары, 561 жыхар, якія мелі 150 галоў буйной рагатай жывёлы, 81 каня, 646 дзесяцін зямлі.

У 1921—1939 гг. у Лідскай гміне Лідскага павета Навагрудскага ваяводства Польшчы.

Далучана в. Жыжма, ад якой захавалася да нашых дзён Пакроўская царква.

3 12 кастрычніка 1940 г. вёска (124 двары, 499 жыхароў) цэнтр Князікоўскага сельсавета Іўеўскага раёна. У 1940 г. арганізаваны калгас імя У. І. Леніна. У верасні 1950 г. арганізаваны калгас «Маладая гвардыя». 3 9 верасня 1960 г. у Ліпнішкаўскім сельсавеце^[2]. Пасля цэнтр калгаса «Маладая гвардыя».

Працавалі базавая школа, клуб, бібліятэка, фельчарска-акушэрскі пункт, аддзяленне сувязі, крама. У 1999 г. 118 двароў, 268 жыхароў.

Славутасці

Царква Покрыва Прасвятой Багародзіцы, 19 ст.^[3].

Насельніцтва

1921 год — 357 жыхароў, 54 двары.
1970 год — 370 жыхароў, 112 двароў.
1999 год — 268 жыхароў, 118 двароў.
2015 год — 229 жыхароў, 94 гаспадаркі.

Гл. таксама

Малыя Князікоўцы

Крыніцы

↑ Назвы населеных пунктаў Рэспублікі Беларусь: Гродзенская вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2004. — 469 с. ISBN 985-458-098-9 (DJVU).
↑ Рашэнне выканкома Гродзенскага абласнога Савета дэпутатаў працоўных ад 9 верасня 1960 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1960, № 26.
↑ Вялікія Князікоўцы на Радзіма.орг