Вячаслаў Іванавіч Чарнуха-Воліч

Вячаслаў Іванавіч Чарнуха-Воліч
Вячаслаў Іванавіч Чарнуха-Воліч
Род дзейнасці	дырыжор
Дата нараджэння	1963
Месца нараджэння	Святая Воля, Святавольскі сельсавет, Бярозаўскі раён, Брэсцкая вобласць, БССР, СССР;
Месца працы	Беларускі дзяржаўны акадэмічны музычны тэатр; Нацыянальны акадэмічны Вялікі тэатр оперы і балета Рэспублікі Беларусь; Адэскі нацыянальны акадэмічны тэатр оперы і балета;
Альма-матар	Беларуская дзяржаўная акадэмія музыкі (1989, 1994);
Узнагароды і прэміі

Вячаслаў Іванавіч Чарнуха-Воліч (нар. 1963, в. Святая Воля, Івацэвіцкі раён, Брэсцкая вобласць) — беларускі дырыжор.

Біяграфія

Скончыў Беларускую акадэмію музыкі па класе фагота (1989) і па класу оперна-сімфанічнага дырыжыравання (1994), а таксама магістратуру акадэміі.

У 1993 стаў дырыжорам Беларускага дзяржаўнага тэатра музычнай камедыі. У 1995—2019 гадах — дырыжор Нацыянальнага тэатра оперы і балета Беларусі. Аўтар шматлікіх творчых праграм і праектаў Нацыянальнага тэатра оперы і балета Беларусі, у тым ліку «Ноч оперы ў Мірскім замку», «Маладыя таленты Беларусі», «Вечары Вялікага тэатра ў замку Радзівілаў».

З 2019 года — галоўны дырыжор Адэскага нацыянальнага акадэмічнага тэатра оперы і балета^[1]. 24 жніўня 2020 Вячаслава Чарнуху-Воліча прызначылі галоўным дырыжорам Нацыянальнага тэатра оперы і балета Беларусі, але 26 жніўня ён пакінуў сваю пасаду^[2]. Вярнуўся ў Адэсу^[3], дзе працаваў да красавіка 2023 года, правёў шэраг канцэртаў за мяжой, каб прыцягнуць увагу да вайны ва Украіне.

8 красавіка 2023 года ў Азербайджанскім тэатры оперы і балета ў Баку ігралі «Багему» Джакама Пучыні, а дырыжыраваць запрасілі Вячаслава Чарнуху-Воліча. На здымках дырыжор пазіраваў разам з кіраўніком Азербайджанскай оперы — Юсіфам Эйвазавым, мужам спявачкі Ганны Нятрэбка, якая знаходзіцца пад санкцыямі ва Украіне. У выніку Вячаслаў Чарнуха-Воліч быў звольнены з Адэскага нацыянальнага акадэмічнага тэатра оперы і балета^[4].

Месцам працы дырыжора стаў Нацыянальны тэатр оперы і балета Рэспублікі Малдова.