Генадзь Пятровіч Баданаў

Генадзь Пятровіч Баданаў
Дата нараджэння	16 (29) лістапада 1911
Месца нараджэння	Тубанаеўка[d], Спаскі раён[d], Горкаўская вобласць
Дата смерці	5 лютага 1977(1977-02-05) (65 гадоў)
Альма-матар	Маскоўскі архітэктурны інстытут (1940)
Месца працы	Белдзяржпраект
Член у	Саюз архітэктараў СССР
Прэміі
Узнагароды

Генадзь Пятровіч Баданаў (16 (29) лістапада 1911, с. Тубанаеўка, Спаскі раён  (руск.) (бел., Горкаўская вобласць — 5 лютага 1977) — савецкі архітэктар^[1].

Скончыў Маскоўскі архітэктурны інстытут у 1940 годзе. У 1946—1950 гг. працаваў у інстытуце Белдзяржпраект^[1].

Член Саюза архітэктараў СССР з 1947 года.

Адзін з аўтараў праекта забудовы Цэнтральнай плошчы (праект 1949, з У. Каралём, Л. Мацкевічам, М. Асмалоўскім, М. Паруснікавым^[2]), аўтар праектаў 106-, 108- і 124-кватэрных дамоў (1948—1954), моста цераз Свіслач на Ленінскім праспекце (1952, сумесна з М. Паруснікавым), корпуса гасцініцы «Мінск» (1957, сумесна з Г. Сысоевым, С. Мусінскім, Д. Кудраўцавым) — усе ў Мінску^[1].

У Маскве ўзведзены 10-павярховы жылы дом па вуліцы Аўтазаводскай (1950—1954); распрацаваны: праект дэталёвай планіроўкі забудовы эксперыментальнага жылога раёна Трапарова  (руск.) (бел. (1957—1960), серыя тыпавых праектаў 9—12-павярховых буйнапанэльных жылых дамоў (1971)^[2]. Аўтар праектаў жылых дамоў з сілікатабятонных блокаў для калгаснага будаўніцтва ў Калінінскай вобласці (1957—1960), праекта дэталёвай планіроўкі забудовы цэнтральнай часткі Улан-Батара (МНР, 1957—1961)^[2].

Дзяржаўная прэмія БССР 1968 года за ўдзел у стварэнні архітэктурнага ансамбля Ленінскага праспекта ў Мінску^[1].

• Баданов Геннадий Петрович // Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)

• Некаторыя работы архітэктара Архівавана 4 сакавіка 2016. (руск.)