Глеб Міхайлавіч Роўда

Глеб Роўда
Глеб Роўда
Агульная інфармацыя
Поўнае імя	Глеб Міхайлавіч Роўда
Нарадзіўся	4 чэрвеня 2002 (22 гады); Мінск, Беларусь;
Грамадзянства	Беларусь
Рост	184 см
Вага	81 кг
Пазіцыя	паўабаронца
Інфармацыя пра клуб
Клуб	Іслач
Нумар	7
Маладзёжныя клубы
0000—2015	Дынама (Мінск)
2015	ФШ Мурашка (Мінск)
2015—2016	Мец
2016—2019	Дынама (Мінск)
Клубная кар’ера
Нацыянальная зборная
	↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 5 лютага 2024. ; ↑ Колькасць гульняў і галоў за нацыянальную зборную ў афіцыйных матчах, адкарэктавана станам на 18 кастрычніка 2023 ;

Глеб Роўда (нар. 4 чэрвеня 2002, Мінск) — беларускі футбаліст, паўабаронца клуба «Іслач» і моладзевай зборнай Беларусі.

Клубная кар’ера

Выхаванец мінскага «Дынама», некаторы час займаўся ў акадэміі французскага «Меца»^[3], аднак пасля вярнуўся ў беларускі клуб, дзе з 2019 года стаў выступаць за дубль, а на наступны год стаў прыцягвацца да асноўнай каманды. У ліпені 2020 года падоўжыў кантракт з дынамаўцамі^[4]. Дэбютаваў у Вышэйшай лізе 24 кастрычніка 2020 года, выйшаўшы на замену ў канцы сустрэчы з бабруйскай «Белшынай» (3:1). У сезоне 2021 годзе гуляў за дубль, зрэдку з’яўляўся на лаўцы запасных асноўнай каманды.

З пачатку 2022 года трэніраваўся з «Іслаччу», якая ў сакавіку арандавала паўабаронцу^[5]. У складзе прысталічнай каманды пераважна выхадзіў на замену. Па заканчэнні сезона 2022 вярнуўся з арэнды ў «Дынама»^[6].

У студзені 2023 года стаў трэніравацца з асноўным складам дынамаўцаў^[7], аднак неўзабаве перайшоў у «Іслач» на трывалай аснове, падпісаўшы двухгадовы кантракт^[8]. У лютым 2024 года падоўжыў дзейны кантракт з клубам да студзеня 2026 года^[9].

Міжнародная кар’ера

У кастрычніку 2018 года гуляў за юнацкую зборную Беларусі (да 17 гадоў) у кваліфікацыйным, а ў сакавіку 2019 года ў элітным раўндах чэмпіянату Еўропы.

У кастрычніку 2019 года гуляў за юніёрскую зборную Беларусі (да 19 гадоў) у кваліфікацыйным раўндзе чэмпіянату Еўропы.

21 верасня 2022 года дэбютаваў у моладзевай зборнай Беларусі, выйшаўшы на замену ў другім тайме таварыскага матча супраць Расіі (1:6).