Аляксандр Уладзіміравіч Шасцюк

Аляксандр Шасцюк
Аляксандр Шасцюк
Поўнае імя	Аляксандр Уладзіміравіч Шасцюк
Нарадзіўся	5 чэрвеня 2002 (22 гады); Брэст, Брэсцкая вобласць, Беларусь;
Грамадзянства	Беларусь
Рост	188 см
Вага	88 кг
Пазіцыя	нападнік
Інфармацыя пра клуб
Клуб	Іслач
Нумар	13
Маладзёжныя клубы
2016—2019	Дынама (Брэст)
Клубная кар’ера
2024—	Іслач (Мінскі раён)
Нацыянальная зборная
	↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 25 сакавіка 2024. ; ↑ Колькасць гульняў і галоў за нацыянальную зборную ў афіцыйных матчах, адкарэктавана станам на 13 кастрычніка 2021 ;

Аляксандр Шасцюк (нар. 5 чэрвеня 2002, Брэст) — беларускі футбаліст, нападнік клуба «Іслач» і моладзевай зборнай Беларусі.

Клубная кар’ера

Выхаванец брэсцкага «Дынама», дзе спачатку выступаў за юнацкія каманды, а ў 2019 годзе пачаў выступаць за дубль. У 2020 годзе стаў прыцягвацца да асноўнай каманды, але так і не згуляў за яе. У пачатку 2021 года, пасля таго як большасць ігракоў пакінула «Дынама», стаў трэніравацца з асноўным складам. У лютым 2021 года падпісаў новы трохгадовы кантракт з клубам^[4]. Дэбютаваў у Вышэйшай лізе 14 сакавіка 2021 года ў матчы першага тура супраць рэчыцкага «Спадарожніка» (4:0), дзе адзначыўся голам. У далейшым замацаваўся ў аснове дынамаўцаў, гуляў пераважна ў стартавым складзе каманды.

У студзені 2022 года выкупіў свой кантракт у «Дынама» і пакінуў Брэст^[5]. Хутка падпісаў двухгадовае пагадненне з клубам «Ніжні Ноўгарад» з расійскай Прэм’ер-лігі^[6]. Пачынаў разам з ніжагародскай камандай рыхтавацца да сезона, але ў лютым стаў трэніравацца з рыжскім РФШ, які неўзабаве арандаваў нападніка^[7]. У рыжскім клубе выступаў за другую каманду, за асноўны склад так і не выйшаў на поле.

У ліпені 2022 года вярнуўся ў брэсцкае «Дынама», падпісаўшы кантракт да канца сезона^[8]. У студзені 2023 года па заканчэнні кантракта пакінуў брэсцкі клуб^[9] і хутка папоўніў склад барысаўскага БАТЭ^[10]. У сакавіку 2024 года па пагадненні бакоў разарваў кантракт з барысаўчанамі^[11] і перайшоў у «Іслач»^[12].

Міжнародная кар’ера

У сакавіку 2019 года гуляў за юнацкую зборную Беларусі (да 17 гадоў) у элітным раўндзе чэмпіянату Еўропы, у трох матчах адзначыўся двума галамі.

26 сакавіка 2021 года дэбютаваў у моладзевай зборнай Беларусі, калі выйшаў у стартавым складзе ў таварыскім матчы супраць Арменіі (2:1) і быў заменены ў другім тайме.