Дзмітрый Яўгенавіч Сібілёў

Дзмітрый Сібілёў
Поўнае імя	Дзмітрый Яўгенавіч Сібілёў
Нарадзіўся	23 ліпеня 2000(2000-07-23)[1] (24 гады) Брэст, Брэсцкая вобласць, Беларусь[2]
Грамадзянства	Беларусь
Рост	175 см[3]
Вага	74 кг[3]
Пазіцыя	паўабаронца
Інфармацыя пра клуб
Клуб	Іслач
Нумар	8
Клубная кар’ера[* 1]
2017—2018 Дынама (Брэст) 0 (0) 2018—2021 Рух (Брэст) 33 (1) 2020 →  Крумкачы (Мінск) 12 (2) 2021 →  Дынама (Брэст) 4 (0) 2021 →  Смаргонь 13 (0) 2022 Нафтан (Наваполацк) 24 (1) 2023— Іслач (Мінскі раён)
Нацыянальная зборная[* 2]
2019—2021 Беларусь (да 21) 3 (0)
↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 26 студзеня 2023. ↑ Колькасць гульняў і галоў за нацыянальную зборную ў афіцыйных матчах, адкарэктавана станам на 1 красавіка 2021

Дзмітрый Сібілёў (нар. 23 ліпеня 2000, Брэст) — беларускі футбаліст, паўабаронца клуба «Іслач».

Выхаванец брэсцкага «Дынама», з 2017 года пачаў выступаць за дубль клуба, дзе адразу замацаваўся ў стартавым складзе. 29 ліпеня 2018 года дэбютаваў за «Дынама» ў матчы Кубка Беларусі супраць «Клецка» (2:2, пен. 2:1), калі выйшаў у стартавым складзе і быў заменены ў другім тайме. У жніўні 2018 года перайшоў у брэсцкі «Рух»^[4], дзе стаў гуляць у аснове, чаргаваў выхады ў стартавым складзе і на замену. Па выніках сезона 2019 дапамог камандзе выйсці ў Вышэйшую лігу.

У 2020 годзе стаў гуляць пераважна за дубль «Руха», у асноўнай камандзе звычайна заставаўся на лаўцы запасных. 28 чэрвеня 2020 года дэбютаваў у Вышэйшай лізе ў матчы супраць «Белшыны» (3:0), выйшаўшы на замену ў другім тайме. У ліпені 2020 года быў аддадзены ў арэнду ў «Крумкачы»^[5], дзе стаў трывала з’яўляцца на полі.

У студзені 2021 года вярнуўся з арэнды ў «Рух»^[6]. Неўзабаве стаў трэніравацца з брэсцкім «Дынама» і ў лютым быў арандаваны гэты клубам^[7]. У складзе дынамаўцаў звычайна заставаўся на лаўцы запасных, зрэдку выхадзіў на замену ў канцы матча. У ліпені 2021 года на правах арэнды далучыўся да «Смаргоні»^[8], дзе стаў часцей выхадзіць у стартавым складзе. У лістападзе 2021 года вярнуўся ў «Рух»^[9], аднак у студзені 2022 года па пагадненні бакоў разарваў кантракт з клубам^[10].

У пачатку 2022 года праходзіў прагляд у бабруйскай «Белшыне», а ў сакавіку стаў іграком наваполацкага «Нафтана»^[11]. Замацаваўся ў стартавым складзе і дапамог камандзе выйсці ў Вышэйшую лігу. Па заканчэнні сезона 2022 пакінуў «Нафтан»^[12] і адправіўся на прагляд у «Іслач»^[13], у студзені 2023 года падпісаў кантракт з гэтым клубам^[14].

26 сакавіка 2019 года дэбютаваў у моладзевай зборнай Беларусі, выйшаўшы на замену ў канцы таварыскага матча супраць Літвы (1:0).

• Пераможца Першай лігі чэмпіянату Беларусі: 2022
• Пераможца Другой лігі чэмпіянату Беларусі: 2018

Сезон	Дывізіён	Клуб	Краіна	Матчы	Галы
2017	дубль	Дынама		27	0
2018 (1)	дубль	Дынама		12	2
2018 (2)	Д3	Рух		12	0
2019	Д2	Рух		20	1
2020 (1)	Д1	Рух		1	0
2020 (2)	Д2	Крумкачы		12	2
2021 (1)	Д1	Дынама		4	0
2021 (2)	Д1	Смаргонь		13	0
2022	Д2	Нафтан		24	1