Джэймс Робінсан (эканаміст)

Джэймс Робінсан
Джэймс Робінсан
	англ.: James Alan Robinson
Дата нараджэння	27 лютага 1960 (65 гадоў)
Месца нараджэння	Чэлмсфард, раён Чэлмсфард[d], Эсэкс[d], Эсэкс, Англія, Вялікабрытанія;
Грамадзянства	Вялікабрытанія;
Род дзейнасці	палітолаг, эканаміст
Навуковая сфера	эканоміка
Месца працы	Harris School of Public Policy[d]; Урадавая школа Джона Ф. Кенэдзі[d]; Каліфарнійскі ўніверсітэт у Берклі; Каліфарнійскі ўніверсітэт у Берклі; Універсітэт Паўднёвай Каліфорніі; Мельбурнскі ўніверсітэт; Чыкагскі ўніверсітэт; Масачусецкі тэхналагічны інстытут;
Альма-матар	Ельскі ўніверсітэт (1993); Уорыцкі ўніверсітэт (1986); Лонданская школа эканомікі і палітычных навук (1982);
Навуковы кіраўнік	Truman Bewley[d]
Член у	Амерыканская акадэмія мастацтваў і навук; Эканаметрычнае таварыства[d];
Узнагароды	член Амерыканскай акадэміі мастацтваў і навук член Эканаметрычнага таварыства[d] (2021) ганаровы доктар Нарвежскага ўніверсітэта натуральных і тэхнічных навук[d] Heinz I. Eulau Award[d] (2007) Clarivate Citation Laureate[d] (2022)
Сайт	scholar-harris.uchicago.edu/…
	Медыяфайлы на Вікісховішчы

Джэймс Алан Робінсан (англ.: James Alan Robinson; нар. 27 лютага 1960(1960-02-27)^[1], Чэлмсфард) — брытанскі эканаміст і даследчык у галіне палітыкі, прафесар школы публічнай палітыкі імя Харыса (Універсітэт Чыкага) з 2015 года, раней выкладаў у Гарвардскім універсітэце (2004—2015)^[3]. Робінсан таксама выкладаў у Каліфарнійскім універсітэце ў Берклі, Універсітэце Паўднёвай Каліфорніі і Універсітэце Мельбурна. Робінсан — суаўтар (разам з Даранам Аджэмаглу) кнігі «Чаму адны краіны багатыя, а іншыя бедныя»^[4]. Лаўрэат прэміі па эканоміцы імя Альфрэда Нобеля 2024 года «за даследаванні фарміравання інстытуцый і іх уплыву на дабрабыт»^[5].

Біяграфія

Джэймс Робінсан вывучаў эканоміку ў Лонданскай школе эканомікі і палітычных навук (бакалаўр навук, 1982), Уорыкскім універсітэце (магістр, 1986) і Ельскім універсітэце (доктар філасофіі, 1993).

У 1992—1995 гадах выкладаў ва Універсітэце Мельбурна.

У 1995—1999 гадах асістэнт-прафесар ва Універсітэце Паўднёвай Каліфорніі.

У 1999—2004 гадах працаваў у Каліфарнійскім універсітэце ў Берклі, спачатку асістэнт-прафесар, з 2001 года — асацыяваны прафесар.

У 2004 годзе быў прызначаны прафесарам кафедры дзяржаўнага кіравання ў Гарвардзе. 1 ліпеня 2015 года Робінсан быў прызначаны прафесарам школы публічнай палітыкі імя Харыса (Універсітэт Чыкага)^[6].

Асноўныя навуковыя інтарэсы — параўнальны эканамічны аналіз і палітычнае развіццё ў доўгатэрміновым перыядзе, у прыватнасці працэсы ў Лацінскай Амерыцы і Афрыцы на поўдзень ад Сахары.

9 мая 2016 года прафесар Робінсан падчас свайго першага наведвання Манголіі стаў ганаровым доктарам яе Нацыянальнага ўніверсітэта^[7].

У кастрычніку 2024 года атрымаў прэмію па эканоміцы імя Альфрэда Нобеля «за даследаванні фарміравання інстытуцый і іх уплыву на дабрабыт» разам з Даранам Аджэмаглу і Сайманам Джонсанам^[8].