Дзмітрый Аляксандравіч Лукашэнка

Дзмітрый Аляксандравіч Лукашэнка
Род дзейнасці	палітык, грамадскі дзеяч, бізнесмен
Дата нараджэння	23 сакавіка 1980(1980-03-23) (45 гадоў)
Месца нараджэння	Магілёў, Магілёўская вобласць, БССР, СССР
Грамадзянства	Беларусь
Бацька	Аляксандр Рыгоравіч Лукашэнка
Маці	Галіна Радзівонаўна Лукашэнка
Альма-матар	факультэт міжнародных адносін БДУ (2002)
Медыяфайлы на Вікісховішчы

Дзмітрый Аляксандравіч Лукашэнка (нар. 23 сакавіка 1980^[1]) — сын Аляксандра Лукашэнкі. Займае пасаду старшыні цэнтральнага савета беларускага рэспубліканскага дзяржаўна-грамадскага аб’яднання «Прэзідэнцкі спартыўны клуб», таксама з’яўляецца членам НАК Беларусі.

Скончыў факультэт міжнародных адносін Беларускага дзяржаўнага ўніверсітэта. Абараніў дыплом на тэму: «Выступ беларускіх спартсменаў на міжнароднай арэне». Служыў у адным з элітных пагранічных падраздзяленняў па барацьбе з кантрабандай і нелегальнай міграцыяй. Капітан запасу.

6 ліпеня 2006 года абраны членам Нацыянальнага алімпійскага камітэта Беларусі.

З 11 снежня 2006 года — член арганізацыйнага камітэта па падрыхтоўцы і забеспячэнні ўдзелу беларускіх спартсменаў у XXIX летніх Алімпійскіх гульнях і XIII Паралімпійскіх гульнях 2008 года ў Пекіне (Кітай).

Ганаровы консул Эфіопіі ў Беларусі^[2].

Жонка — Ганна Лукашэнка. Паводле Беларускага расследавальніцкага цэнтра, у 2018 і 2020 гадах Ганна зарабіла ў «Гандлёвым доме БелАЗ» каля 100 тысяч долараў, а ўладальнікі кампаній-партнёраў гандлёвага дому—людзі набліжаныя да Дзмітрыя і Ганны Лукашэнак^[3]. Таксама Ганна Лукашэнка піша песні пад псеўданімам Ганна Сялук^[4].

• Юбілейны медаль «80 гадоў пагранічных войск»
• Медаль «За адзнаку ў ахове дзяржаўнай мяжы»
• Знакі «Выдатнік пагранічных войск» I і II ступені

2 лютага 2011 года быў унесены ў Чорны спіс Еўрасаюза^[5]. У рашэнні Савета Еўрапейскага саюза ад 15 кастрычніка 2012 года Дзмітрый Лукашэнка пазначаны як «бізнесмен з актыўным удзелам у фінансавых аперацыях з сям’ёй Лукашэнкі  (бел. (тар.)) (бел.»^[6]. Еўрапейскія санкцыі зняты 15 лютага 2016 года^[7].

21 чэрвеня 2021 года як сын Аляксандра Лукашэнкі і бізнесмен, старшыня дзяржаўна-грамадскага аб’яднання «Прэзідэнцкі спартыўны клуб», зноў унесены ў Чорны спіс Еўрасаюза^[8]. Савет Еўрапейскага саюза адзначыў, што Дзмітрый Лукашэнка вядзе бізнес праз клуб і кантралюе шэраг кампаній, таксама ён быў на таемнай інаўгурацыі Аляксандра Лукашэнкі ў верасні 2020 года, такім чынам Дзмітрый Лукашэнка атрымлівае карысць ад рэжыму Лукашэнкі і падтрымлівае яго^[9][10]. 6 ліпеня да чэрвеньскага пакета санкцый ЕС далучыліся Албанія, Ісландыя, Ліхтэнштэйн, Нарвегія, Паўночная Македонія, Чарнагорыя^[11], 7 ліпеня — Швейцарыя^[12].

2 снежня 2021 года Дзмітрый Лукашэнка і Прэзідэнцкі спартыўны клуб трапілі ў спіс спецыяльна прызначаных грамадзян і заблакіраваных асоб ЗША^[13], а таксама ў санкцыйны спіс Канады^[14].

У 2022 годзе Дзмітрый Лукашэнка трапіў у чорны спіс Японіі^[15].