Зяброўка (аэрадром)

Зяброўка (таксама Прыбыткі) — ваенная авіябаза, размешчаная ў 16 км на паўднёвы ўсход ад Гомеля (Беларусь).

З лістапада 1951 па красавік 1958 тут базаваўся 439-ы знішчальны авіяцыйны полк. Выконваў палёты на МіГ-15 і МіГ-17^[1].

Да пачатку 1960-х гадоў з базы ляталі самалёты Ту-16Р. У 1963 годзе аэрадром рэканструяваны. Прыблізна ў 1966 годзе сюды прыбылі 24 Ту-22Р, прызначаныя для дзеянняў у Балтыцы і Паўночнай Еўропе. З 1973 па 1980-я гады ў Прыбытках на гэтых самалётах праходзілі навучанне лётчыкі з Лівіі і Ірака. У 1994 годзе, у незалежнай Беларусі, Ту-22 адпраўлены на ўтылізацыю ў Расію^[2].

Акрамя таго, з пачатку 1960-х да 1994 года на аэрадроме размяшчаўся 290-ы гвардзейскі разведвальны авіяцыйны полк далёкага дзеяння, які лётаў на Ту-16Р і Ту-22РДМ^{[3] [4]}, плюс некалькі самалётаў Ту-22^[3].

Падчас уварвання ва Украіну ў 2022 годзе расійскія вайскоўцы размясцілі на базе ўдарныя верталёты^[5].