Зігмар Габрыэль

Зігмар Габрыэль
Зігмар Габрыэль
	ням.: Sigmar Gabriel
Minister-President of Lower Saxony[d]
	15 снежня 1999 — 4 сакавіка 2003
Папярэднік	Gerhard Glogowski[d]
Пераемнік	Крысціян Вульф
член бундэстага Германіі[d]
	18 кастрычніка 2005 — 27 кастрычніка 2009
член бундэстага Германіі[d]
	27 кастрычніка 2009 — 22 кастрычніка 2013
Federal Minister for the Environment, Nature Conservation and Nuclear Safety[d]
	22 лістапада 2005 — 28 кастрычніка 2009
Папярэднік	Jürgen Trittin[d]
Пераемнік	Norbert Röttgen[d]
Federal Minister for Economic Affairs and Climate Action[d]
	17 снежня 2013 — 26 студзеня 2017
Папярэднік	Філіп Рослер
Пераемнік	Brigitte Zypries[d]
віцэ-канцлер Германіі[d]
	17 снежня 2013 — 14 сакавіка 2018
Папярэднік	Філіп Рослер
Пераемнік	Олаф Шольц
член бундэстага Германіі[d]
	22 кастрычніка 2013 — 24 кастрычніка 2017
міністр замежных спраў Германіі[d]
	27 студзеня 2017 — 14 сакавіка 2018
Папярэднік	Франк-Вальтэр Штайнмаер
Пераемнік	Гайка Маас
старшыня Сацыял-дэмакратычнай партыі Германіі[d]
	13 лістапада 2009 — 19 сакавіка 2017
Папярэднік	Франц Мюнтэрферынг
Пераемнік	Марцін Шульц
член бундэстага Германіі[d]
	24 кастрычніка 2017 — 3 лістапада 2019
Пераемнік	Markus Paschke[d]
Нараджэнне	12 верасня 1959[…] (65 гадоў); Гослар, раён Гослар[d], Ніжняя Саксонія, ФРГ;
Імя пры нараджэнні	ням.: Sigmar Hartmut Gabriel
Веравызнанне	Евангелічная царква Германіі[d]
Партыя	Сацыял-дэмакратычная партыя Германіі;
Член у	Netzwerk Berlin[d]; Атлантычны мост[d]; Socialist Youth of Germany – Falcons[d] (1989); Seeheimer Kreis[d]; AWO Bundesverband e.V.[d]; IG Metall[d]; Трохбаковая камісія[d]; First Merkel cabinet[d]; Third Merkel cabinet[d];
Адукацыя	Гётынгенскі ўніверсітэт (1987); Госларская гарадская гімназія[d];
Дзейнасць	палітыка
Месца працы	Tönnies Holding[d]; Бундэсвер;
Аўтограф
Род войскаў	Ваенна-паветраныя сілы Германіі[d]
Званне	Obergefreiter[d]
Сайт	sigmar-gabriel.de
	Медыяфайлы на Вікісховішчы

Зігмар Габрыэль (ням.: Sigmar Gabriel, нар. 12 верасня 1959, Гослар) — нямецкі палітык (СДПГ), з 1999 па 2003 гады прэм'ер-міністр зямлі Ніжняя Саксонія, з 2005 па 2009 гады міністр па ахове навакольнага асяроддзя, ахове прыроды і ядзернай бяспецы, з 13 лістапада 2009 года старшыня Сацыял-дэмакратычнай партыі Германіі. У 2013 годзе ў новым урадзе Ангелы Меркель заняў пасаду віцэ-канцлера і міністра эканомікі і энергетыкі. Міністра замежных спраў (з 2017).

Біяграфія

Зігмар Габрыэль нарадзіўся ў Гослары. Калі яму было тры гады, яго бацькі разыйшліся. Яго маці была медыцынскай сястрой, а бацька муніцыпальным служачым.

Зігмар Габрыэль скончыў гімназію ў Гослары (ням.: Ratsgymnasium Goslar). Пасля заканчэння гімназіі прайшоў вайсковую службу. У 1988 годзе Зігмар Габрыэль скончыў Гётынгенскі ўніверсітэт па спецыяльнасці «настаўнік нямецкай мовы, палітыкі і сацыялогіі». З 1989 па 1990 год працаваў настаўнікам у народнай школе ў Гослары.

Жыве ў грамадзянскім шлюбе з урачом-стаматолагам, разам выхоўваюць дачку ад яе першага шлюбу.

Палітычная кар'ера

З 1976 па 1989 гады Зігмар Габрыэль працаваў у маладзёжнай арганізацыі «Сацыялістычная моладзь Германіі — Сокалы» (ням.: Sozialistische Jugend Deutschlands — Die Falken)^[8]. Неўзабаве Габрыэль становіцца лідарам мясцовага аддзялення арганізацыі ў Гослары. Затым ён становіцца старшынёй акруговага аддзялення арганізацыі ў Браўншвайгу. Браўншвайгскае аддзяленне адносілася да марксісцкага крыла арганізацыі.

З 1987 па 1998 гады Габрыэль быў членам раённага заканадаўчага сходу раёна Гослар. З 1991 па 1999 гады ён быў Старшынёй гэтага сходу. З 1990 па 2005 гады Габрыэль — дэпутат ландтага Ніжняй Саксоніі. З 1997 года ён намеснік старшыні ландтага Ніжняй Саксоніі. З 1998 па 1999 і з 2003 па 2005 гады Габрыэль — старшыня фракцыі СДПГ у мясцовым ландтагу.

У 2005 і ў 2009 гадах Зігмар Габрыэль выбіраўся дэпутатам Бундэстага прамым галасаваннем ад акругі Зальцгітэр-Вольфенбютэль^[9].

Пасля адстаўкі прэм'ер-міністра Ніжняй Саксоніі Герхарда Глагоўскі, 15 снежня 1999 года Зігмар Габрыэль заняў яго пасаду. Пасля выбараў у ніжнесаксонскі ландтаг 2 лютага 2003 года СДПГ прайграла ХДС і Габрыэль страціў пасаду прэм'ер-міністра.

З 2003 па 2005 гады Габрыэль уваходзіць у прэзідыум СДПГ. У гэтыя ж гады ён з'яўляецца намеснікам старшыні сацыял-дэмакратычнай партыі Ніжняй Саксоніі.

З 2005 па 2009 гады Габрыэль быў міністрам па ахове навакольнага асяроддзя, ахове прыроды і ядзернай бяспецы ў кааліцыйным урадзе Ангелы Меркель.

Пасля паражэння сацыял-дэмакратаў на выбарах у бундэстаг 27 верасня 2009 года, старшыня СДПГ Франц Мюнтэферынг сышоў у адстаўку. 13 лістапада 2009 года на з'ездзе партыі ў Дрэздэне, старшынёй СДПГ быў абраны Зігмар Габрыэль. Падчас галасавання Габрыэль атрымаў 94,2 % галасоў. У 2013 годзе зноў увайшоў ва ўрад у якасці віцэ-канцлера і міністра эканомікі і энергетыкі.

З 27 студзеня 2017 года займае пасаду Міністра замежных спраў.