Хрысціянска-дэмакратычны саюз Германіі

Хрысціянска-дэмакратычны саюз Германіі
Хрысціянска-дэмакратычны саюз Германіі
	ням.: Christlich Demokratische Union Deutschlands
Лідар	Фрыдрых Мерц
Заснавальнік	Конрад Адэнаўэр
Дата заснавання	26 чэрвеня 1945
Штаб-кватэра	Дом Конрада Адэнаўэра[d];
Краіна	Германія;
Ідэалогія	хрысціянская дэмакратыя, кансерватызм, ліберальны кансерватызм, праеўрапеізм[d] і эканамічны лібералізм
Інтэрнацыянал	Еўрапейскі рух Германіі[d]; Еўрапейская народная партыя; Цэнтрысцкі дэмакратычны інтэрнацыянал[d]; Міжнародны дэмакратычны саюз;
Маладзёжная арганізацыя	Маладзёжны саюз Германіі[d]
Колькасць членаў	371 986
Месцаў у Бундэстагу	254 / 630
Месцаў у Еўрапарламенце	29 / 96
Постаці	члены партыі ў катэгорыі (30 чал.)
Сайт	cdu.de (ням.)
	Медыяфайлы на Вікісховішчы

Хрысціянска-дэмакратычны саюз Германіі (ХДС) (ням.: Christlich Demokratische Union Deutschlands (CDU)), кансерватыўная партыя ў Германіі. ХДС утварае кааліцыю з Хрысціянска-сацыяльным саюзам (дзейнічае толькі ў Баварыі, у той час як у ХДС адсутнічае баварская партыйная арганізацыя). Старшыня партыі — Фрыдрых Мерц (з 2022).

У ідэалагічным плане ХДС спалучае кансерватызм, хрысціянскі кансерватызм і хрысціянскую дэмакратыю. Палітычная пазіцыя — цэнтр. У Еўрапейскім парламенце ўваходзіць у фракцыю Еўрапейская народная партыя.

ХДС створаны ў 1945 ў якасці «палітычнай радзімы» для прадстаўнікоў католікаў і пратэстантаў. Саюз перажыў імклівы рост пры першым старшыні Конрадзе Адэнаўэры (1950—1963). У 1957 ХДС атрымаў абсалютную большасць у Бундэстагу — адзіны выпадак у пасляваеннай гісторыі ФРГ.

Старшынямі ХДС пасля Адэнаўэра былі Людвіг Эрхард (1963—1966), Курт Георг Кізінгер (1966—1971), Райнер Барцэль (1971—1973), Гельмут Коль (1973—1998), Вольфганг Шойбле (1998—2000), Ангела Меркель (2000—2018).

Пяць разоў прадстаўнікі ХДС станавіліся прэзідэнтамі ФРГ: Генрых Любке, Карл Карстэнс, Рыхард фон Вайцзэкер, Раман Херцаг і Хорст Кёлер, і пяць разоў — федеральнымі канцлерамі: Конрад Аденаўэр, Людвіг Эрхард, Курт Георг Кізінгер, Гельмут Коль і Ангела Меркель.