Касцёл Узвышэння Святога Крыжа (Целяханы)

Каталіцкі храм
Касцёл Узвышэння Святога Крыжа
52°31′11″ пн. ш. 25°50′48″ у. д.HGЯO
Краіна	Беларусь
Гарадскі пасёлак	Целяханы
Канфесія	Каталіцызм
Епархія	Пінская дыяцэзія
Дата пабудовы	1823
Стан	дзейнічае

Касцёл Узвышэння Святога Крыжа — мураваны каталіцкі храм у г. п. Целяханы Івацэвіцкага раёна Брэсцкай вобласці. Знаходзіцца на вуліцы Леніна, 35.

Мураваны касцёл быў пабудаваны ў 1823 годзе. Пасля Другой сусветнай вайны касцёл быў адабраны ў вернікаў і выкарыстоўваўся як кіназала, да якой была дабудавана пляцоўка для танцаў.

Казімір Свёнтэк разам з вернікамі прадпрымаў намаганні, каб вярнуць святыню, але па прычыне высокіх коштаў, выстаўленых Міністэрствам культуры, справа не была вырашана.

Будынак быў выкуплены бізнесмэнам з Баранавічаў і стаяў 5 гадоў у заняпадзе. У 2018 годзе дыяцэзія выкупіла будынак у Івацэвіцкага райвыканкама і распачала працы па яго аднаўленні^[1].

14 верасня 2019 года біскуп Антоні Дзям’янка цэлебраваў першую імшу ў адноўленым касцёле^[2].

• кс. Тадэвуш Шэшка

• Касцёл Узвышэння Святога Крыжа (Целяханы) на сайце Catholic.by (бел.)