Ліпа (Буда-Кашалёўскі раён)

Вёска Ліпа Краіна Беларусь Вобласць Гомельская Раён Буда-Кашалёўскі Сельсавет Акцябрскі Каардынаты 52°43′37″ пн. ш. 30°48′24″ у. д.HGЯO Першая згадка XVIII стагоддзе Колькасць двароў 1 Насельніцтва 1 чалавек (2004) Часавы пояс UTC+3 Тэлефонны код +375 2336 Аўтамабільны код 3 СААТА 3205864026 Ліпа на карце Беларусі ±

Лі́па^[1] (трансліт.: Lipa, руск.: Липа) — вёска ў Буда-Кашалёўскім раёне Гомельскай вобласці. Уваходзіць у склад Акцябрскага сельсавета.

На поўначы і поўдні мяжуе з лесам.

У сувязі з радыяцыйным забруджваннем пасля катастрофы на Чарнобыльскай АЭС частка жыхароў пераселены ў чыстыя месцы.

У 18 км на ўсход ад раённага цэнтра і чыгуначнай станцыі Буда-Кашалёўская (на лініі Жлобін — Гомель), 29 км ад Гомеля.

Рака Ліпа (прыток ракі Сож).

Побач шаша Доўск — Гомель. Планіроўка складаецца з просталінейнай вуліцы амаль шыротнай арыентацыі, да якой на ўсходзе пад прамым вуглом далучаецца кароткая просталінейная вуліца. Забудова двухбаковая, драўлянымі дамамі сядзібнага тыпу.

Па пісьмовых крыніцах вядомая з канца XVIII стагоддзя як вёска ў Рагачоўскім павеце Магілёўскай губерні. У 1799 годзе ў валоданні Дарыя-Дзярналовічаў. З 1840 года працавала сукнавальня. У 1850 годзе побач пракладзена шаша Пецярбург — Кіеў. Мелася паштовая станцыя (у 1870 годзе 5 коней). У 1880 годзе дзейнічаў хлебазапасны магазін. Па перапісу 1897 года знаходзіліся: хлебазапасны магазін, 2 ветракі, вадзяны млын, сукнавальня. Побач былі хутары Ліпа і Старая Ліпа. У 1909 годзе — 1170 дзесяцін зямлі, млын, у Дудзіцкай воласці Рагачоўскага павета Магілёўскай губерні.

Падчас наступлення немцаў у 1918 годзе партызаны разбілі нямецкі атрад, узялі палонных і трафеі. Пасля гэтага карнікі спалілі вёску і расстралялі частку жыхароў вёскі, у ліку якіх былі старыя і дзеці. У 1926 годзе працавалі: хата-чытальня, магазін, паштовае аддзяленне, пачатковая школа. У 1930 годзе арганізаваны калгас «Чырвоная Ліпа», працавалі вятрак і гамарня.

З 8 снежня 1926 года па 8 снежня 1966 года цэнтр Ліпскага сельсавета^[2] Уваравіцкага, з 17 красавіка 1962 года Буда-Кашалёўскага раёнаў Гомельскай (да 26 ліпеня 1930 года) акругі, з 20 лютага 1938 года Гомельскай вобласці.

Падчас Вялікай Айчыннай вайны ў баях за вызваленне вёскі і суседніх населеных пунктаў загінулі 31 савецкі салдат і 1 партызан (пахаваны ў брацкай магіле на ўсходняй ускраіне), 94 жыхары вёскі загінулі падчас вайны. У 1959 годзе ўваходзіла ў склад саўгаса «Краснаакцябрскі» (цэнтр — вёска Акцябр).

У 1969 годзе ў вёску перасяліліся жыхары пасёлкаў Волкаў і Гарадзец^[3].

• 2004 год — 1 гаспадарка, 1 жыхар.

• 1886 год — 71 двор, 391 жыхар.
• 1897 год — 126 двароў, 752 жыхары (паводле перапісу).
• 1909 год — 797 жыхароў.
• 1926 год — 114 двароў.
• 1959 год — 461 жыхар (паводле перапісу).
• 2004 год — 1 гаспадарка, 1 жыхар.

• Гарады і вёскі Беларусі: Энцыклапедыя. Т. 1, кн. 1. Гомельская вобласць / С. В. Марцэлеў; рэдкал.: Г. П. Пашкоў (дырэктар) і інш. — Мн.: Беларуская Энцыклапедыя імя Петруся Броўкі, 2004. — 632 с.: іл. — 4 000 экз. — ISBN 985-11-0303-9.

• На Вікісховішчы пакуль няма медыяфайлаў па тэме, але Вы можаце загрузіць іх