Мемарыял Вікторыі (Лондан)

Мемарыял Вікторыі
	Помнік
Мемарыял Вікторыі
	англ.: Victoria Memorial
	51°30′07″ пн. ш. 0°08′26″ з. д.HGЯO
Краіна	Вялікабрытанія;
Месцазнаходжанне	Вэстмінстэр;
Архітэктурны стыль	боз-ар[d]
Скульптар	Томас Брок[d]
Архітэктар	Астан Уэб
Дата заснавання	1901
Матэрыял	мармур
	Медыяфайлы на Вікісховішчы

Мемарыял Вікторыі (англ.: Victoria Memorial) — скульптура, размешчаная ў цэнтры Каралеўскага саду перад Букінгемскім палацам, і прысвечаная каралеве Вікторыі.

Мемарыял быў асвечаны ў 1911 годзе старэйшым унукам Вікторыі, Георгам V і яго кузенам Вільгельмам II. Скульптарам стаў сэр Томас Брок. Сам мемарыял быў завершаны ў 1914 годзе з устаноўкай бронзавай статуі^[1].

Пастамент, пабудаваны па праекце архітэктара Астана Уэба з белага мармуру, важыць 2,300 тон.

Твар статуі Вікторыі звернуты ў паўночна-усходнім кірунку, да вуліцы Мэл. З астатніх трох бакоў пастамента размешчаны чарнёныя бронзавыя статуі Анёла Правасуддзя (тварам на паўночны захад у бок Грын-парку), Анёла Праўды (які глядзіць на паўднёвы ўсход), і Анёла Літасці, які стаіць перад Букінгемскім палацам. На вяршыні стаіць Перамога, з дзвюма фігурамі, якія сядзяць^[1].

Увесь мемарыял мае марскую тэматыку. На ім можна ўбачыць русалак, вадзянікаў і гіпагрыфаў, усё з якіх указваюць на марскую моц Злучанага Каралеўства^[2].

Перад Альберт-холам размешчаны аналагічны помнік мужу Вікторыі, Альберту.